«Миçиган, биз буни уддаладик»: АҚŞ Сенатига илк бор мусулмон сайланди
Миçиган şтатида прогрессив демократ Абдул Ал-Саид республикаçи Майк Рожерсни енгиб, АҚŞ тарихида Сенатга сайланган илк мусулмонга айланди. Şтатдаги энг қиммат сайловолди кураşи унинг дини ва исмига қаратилган ҳужумлар билан кеçганди.
«Миçиган, биз буни уддаладик»: АҚŞ Сенатига илк мусулмон сайланди
3-ноябр куни ўтказилган оралиқ сайловларда Миçиган штатидан АҚŞ Сенатига номзод бўлган прогрессив демократ Абдул Ал-Саид республикачи Майк Рожерсни мағлуб этди. 42 ёшли Ал-Саид АҚŞ тарихида Сенатга сайланган илк мусулмон бўлди, у январда лавозимга киришади.
Овозларнинг 96 фоизи саналганда Ал-Саид 2 миллион 480 мингдан кўпроқ — 52,4 фоиз, Рожерс эса 2 миллион 154 мингдан ортиқ — 45,6 фоиз овоз тўплаган. Либертарлар партиясидан Лидия Кристенсен 1 фоиз овоз олган.
Ал-Саид қайта сайловда қатнашмаган демократ сенатор Гери Питерс ўрнини эгаллайди. Шу тариқа демократлар 1979-йилдан бери ўз қўлида бўлган ўринни сақлаб қолди.
Сўнгги сўровномалар Ал-Саидни бироз олдинда кўрсатган бўлса-да, пойга охиригача кескин ҳисобланган.
Ал-Саид Детройт, Гранд-Рапидс, Лансинг ва Флинт каби йирик шаҳарлар жойлашган округларда устунлик қилган. Штатнинг қишлоқ ҳудудлари эса асосан Рожерсга овоз берган.
«Сиз нафратни танладингиз, Миçиган эса умидни»
Собиқ соғлиқни сақлаш амалдори Абдул Ал-Саид ғалабасини АП ва йирик телеканаллар натижани эълон қилишидан бир соатча олдин нишонлади. У Детройтда Миçиган демократлари уюштирган тадбирда саҳнага чиқди ва:
«Миçиган, биз буни уддаладик»,
деди.
Унинг нутқи одатий ғалаба нутқларига ўхшамади: Ал-Саид бирлик ва икки партия ҳамкорлигига чақирмади. У ўз кампаниясини умид кампанияси, рақиби — собиқ конгрессмен ва ФҚБ агенти Майк Рожерс кампаниясини эса корпорациялар пули билан юритилган реклама кампанияси сифатида тасвирлади.