Мета махфийлик билан боғлиқ эътирозлар сабаб камерасиз ақлли кўзойнаклар тақдим этади
Мета махфийлик юзасидан билдирилаётган эътирозлар фонида камерасиз ақлли кўзойнакларни тақдим этади
Мета компанияси ҳар йили ўтказиладиган Соннест конференсиясида камерасиз янги ақлли кўзойнакларини намойиш этиши кутилмоқда. Бу қадам одамларни уларнинг розилигисиз яширинча тасвирга олиш билан боғлиқ хавотирлар кучайиб бораётгани сабабли ташланмоқда.
ЭссилорЛухоттиса билан ҳамкорликда ишлаб чиқилган кўзойнаклар 2025-йилда 7 миллиондан ошиқ сотилиб, Метаъга бозорда етакчиликни тақдим этган. Бироқ ушбу қурилмаларнинг оммалашуви дунё бўйлаб норозиликларга ҳам сабаб бўлди. Буюк Британиядаги бир қатор ресторан, паб ва театрларда бу кўзойнаклардан фойдаланиш чекланган.
Компанияга қарши Калифорнияда суд даъвоси ҳам қўзғатилган. Унда Мета фойдаланувчиларни махфийлик масаласида чалғитгани, шунингдек сунъий интеллектни ўргатувчи ходимлар одамларнинг шахсий тасвирларини, жумладан кийим алмаштириш ҳолатларини кўргани иддао қилинган. Мета бу айбловларни рад этмоқда.
Тақдимотда камерасиз кўзойнакларнинг Слубмастер ва Бурбанк номли икки услубдаги модели кўрсатилиши кутилмоқда. Таҳлилчиларга кўра, тадбирда камерали Мета Рай-Бан кўзойнакларининг янгиланган версияси ҳамда Пҳоених номи остидаги енгилроқ кўзойнаклар ҳам намойиш этилиши мумкин.
Смарт Аналйтисс Глобал тадқиқот фирмаси асосчиси Линда Суининг айтишича, камерани олиб ташлаш махфийлик ҳақидаги хавотирларни тўлиқ бартараф этмайди, чунки микрафонлар орқали овоз ёзиб олиш имконияти сақланиб қолади.
Шунингдек, камера ва дисплейнинг йўқлиги харидорларда “агар фақат овозли мулоқот ва динамик бўлса, оддий Блуетоотҳ қулоқчинлардан нима фарқи бор?” деган саволни уйғотиши ва талабни камайтириши мумкин.