Месси ва Роналду Тевеснинг хайрлашув ўйинида бир жамоада ўйнайди
Аргентиналик Лионел Месси ва португалиялик Криштиану Роналду Карлос Тевеснинг хайрлашув учрашувида бир жамоа сафида майдонга
Месси ва Роналду Тевеснинг хайрлашув ўйинида бирга майдонга тушади
Аргентиналик Лионел Месси ва португалиялик Криштиану Роналду Карлос Тевеснинг хайрлашув учрашувида бир жамоа таркибида ўйнаши мумкин. Тевеснинг айтишича, ҳар икки футболчи ҳам таклифни қабул қилган.
Хайрлашув баҳси 2026-йил декабрида Буенос-Айресдаги машҳур «Ла Бомбонера» стадионида ўтказилиши режалаштирилган. Олдинги хабарларда учрашув 19 декабрга белгиланиши мумкинлиги айтилган эди.
«Мен доимо Криштиану ва Леони бир жамоада кўришни орзу қилганман. Улар барча даврларнинг энг буюк икки футболчиси. Иккаласи билан ҳам боғландим. Роналдуга бу ғояни айтганимда, у келишини билдирди. Леони кўндириш ҳам қийин бўлмади. Иккаласи ҳам розилик берди», – деган Тевес.
Тевес фаолияти давомида Роналду билан Англиянинг «Манчестер Юнайтед» клубида бирга ўйнаган. Месси билан эса Аргентина миллий терма жамоасида шерик бўлган.
Хайрлашув учрашувига Уейн Руни ва Андреа Пирло каби Тевес билан бирга ўйнаган бошқа машҳур футболчилар ҳам таклиф қилиниши кутилмоқда.
Ҳозирча Месси ва Роналду томонидан учрашувда қатнашиш борасида алоҳида расмий баёнот берилмаган. Уларнинг розилик бергани ҳақидаги маълумот Тевеснинг сўзларига асосланмоқда.