Месси миллий жамоа билан хайрлашди - футболчининг 7 та экзотик машинаси
Феррари Ф430 Спидер ва Ауди РС6 Лионел Мессининг энг севимли автомобиллари қаторидан ўрин олган.
Месси миллий терма жамоадаги фаолиятини якунлади – футболчининг 7 та ноёб автомобили
31-август куни Лионел Месси Аргентина миллий терма жамоасидаги фаолиятига якун ясаганини эълон қилди.
Машҳур ҳужумчи ўз фаолиятидаги улкан ютуқлардан ташқари, ноёб автомобилларга бўлган иштиёқи билан ҳам танилган. У ҳақиқатан ҳам ўзига хос автомобиллар коллексиясига эга бўлиб, уларнинг баъзилари катта бойликка тенг.
**Масерати ГранТурисмо МС Страдале**
Аргентиналик футболчининг севимли автомобилларидан бири Масерати ГранТурисмо МС Страдале спорткари эди. Италия купеси 4,7 литрли В8 атмосфера двигатели билан жиҳозланган бўлиб, у суперкарга 4,5 сонияда 100 км/соат тезликка эришиш ва соатига 300 км дан юқори максимал тезликда ҳаракатланиш имконини беради. 2017-йилда Месси ушбу спорткарда қарийб 50 минг км масофа босиб ўтгач, уни 120 минг еврога сотувга қўйди.
**Феррари Ф430 Спидер**
Аммо Месси бошқа бир италян спорткаридан айрилишни истамади – Феррари Ф430 Спидер родстери ҳамон футболчининг гаражида турибди. Автомобил Пининфарина ательеси мутахассислари иштирокида, 2000-йилларнинг ўрталарида "Формула-1" болидларида қўлланилган аеродинамика технологияларидан фойдаланиб ишлаб чиқилган. 510 от кучига эга двигателли автомобил 100 км/соат тезликка 3,7 сонияда эришади, унинг максимал тезлиги эса соатига 315 кмни ташкил этади.
**Пагани Зонда Синқуе Роадстер**
Пагани Зонда Синқуе Роадстер – Лионел Месси коллексиясидаги энг ноёб, қиммат ва экстремал автомобиллардан биридир. Конструксиясида композит материаллар, титан, магний ва инконел қўлланилган автомобилнинг вазни атиги 1210 килограммни ташкил этади. Улкан 7,3 литрли, 678 от кучига эга АМГ В12 двигатели родстерни 100 км/соат тезликка 3,4 сонияда олиб чиқади. Машинанинг максимал тезлиги соатига 350 км. Бундай суперкарлардан жами 5 дона ишлаб чиқарилган бўлиб, ҳар бирининг нархи 1,8 миллион евродан бошланади.