Мерсуре Хива шаҳрида янги меҳмонхона очди

**Мерсуре Хива шаҳрида янги меҳмонхона ишга туширди**

145 хонали янги меҳмонхона Ўзбекистоннинг Буюк ипак йўлидаги энг қадрли тарихий масканларидан бирида меҳмонларни Мерсуре брендига хос, маҳаллий анъаналардан илҳомланган меҳмондўстлик билан қарши олади.

Самимий ва маҳаллий маданиятдан илҳомланган меҳмондўстлиги билан танилган Ассор бренди Мерсуре Ҳотелс & Ресорц бугун Мерсуре Кҳива меҳмонхонаси очилганини маълум қилди. Ичан Қалъанинг тарихий деворлари ёнида жойлашган 145 хонали ушбу меҳмонхона Ўзбекистоннинг энг қадрли маданий масканларидан бири бўлган Хива шаҳри ва бутун Хоразм вилоятида халқаро бренд остида фаолият бошлаган илк меҳмонхонадир.

Мерсуре 1973-йилда ташкил этилганидан бери меҳмонларни фақат тунашга эмас, балки ўзларини шу жойнинг бир қисми сифатида ҳис этишга ундаб келади. Маҳаллий ҳаётни кашф этишга асосланган ва атроф-муҳит руҳини акс эттирадиган бренд инсонларни маданият, маҳаллий ҳамжамият ва жой билан боғлайдиган таассуротлар яратади. 65 дан ортиқ мамлакатда 1000 дан зиёд меҳмонхонага эга Мерсуре дунё бўйлаб фаолият юрица-да, маҳаллий ўзликни ўз моҳиятида сақлаб қолади. Бренднинг ҳар бир меҳмонхонаси дизайн, гастрономия, урф-одатлар ва инсонлар ўртасидаги мулоқот орқали ўзи жойлашган масканнинг ўзига хослигини намоён этади.

Мерсуре Кҳива Ассорънинг Ўзбекистонда кенгайиб бораётган, саккизта меҳмонхонадан иборат портфелига қўшилди. Бу гуруҳнинг мамлакатдаги узоқ муддатли фаолиятга ҳамда минтақадаги асосий ишбилармонлик ва дам олиш туризми йўналишларини изчил ривожлантиришга содиқлигини янада мустаҳкамлайди. Фақат 2025-йилда Ўзбекистон 11,7 млн хорижий сайёҳни қабул қилди. Бу мамлакатнинг сайёҳлик йўналиши сифатидаги жозибадорлиги ортиб бораётганини кўрсатади.

Ассорънинг Грузия ва МДҲ мамлакатларидаги операцион фаолият бўйича вице-президенти Арон Либинсон шундай деди:

“Мерсуре Кҳива Хива шаҳри ва бутун Хоразм ҳудудининг ўзига хос руҳини акс эттиради ҳамда меҳмонлар бутун дунё бўйлаб Мерсуреъдан кутадиган юқори сифат стандартларини таъминлайди. Ўзбекистондаги саккизинчи меҳмонхонамиз сифатида ушбу янги меҳмонхона мамлакатдаги иштирокимизни ҳам, Хиванинг дунё сайёҳлари билан алоқасини ҳам мустаҳкамлаш йўлида муҳим қадамдир”.

Мерсуре Кҳива меҳмонхонаси Каз Девелопмент Инвест Гроуп компаниясига тегишли. Компания Хоразм минтақасида туризм инфратузилмасини изчил ривожлантириш доирасида меҳмонхонани барпо этишга сармоя киритган. Тахминан 26 млн доллар миқдорида сармоя киритилган Каз Девелопмент Инвест Гроуп лойиҳаси доирасида қарийб 200 та иш ўрни яратилди. Лойиҳа Хоразм минтақасида туризм инфратузилмасининг изчил ривожланишига ҳисса қўшмоқда.

Буюк ипак йўлининг бой мероси, ўзига хос меъморчилиги ва бугун ҳам давом этаётган анъаналари билан машҳур Хива Ўзбекистоннинг энг жозибадор маданий туризм масканларидан биридир. Шаҳарда ЮНЕСКОнинг Бутунжаҳон мероси рўйхатига киритилган Ичан Қалъа жойлашган. Хива маданий мерос, ҳунармандчилик ва ҳақиқий маҳаллий ҳаёт билан танишишни истаган сайёҳларни жалб этишда давом этмоқда.

Мерсуре Кҳива замонавий меҳмондўстликни шаҳарнинг кўп қатламли тарихий ва маданий ўзлигини акс эттирувчи нозик деталлар билан уйғунлаштиради. Бу уйғунлик меҳмонхонанинг барча интерерларида кўзга ташланади. Ҳар бир Мерсуре меҳмонхонаси ўзи жойлашган муҳит таъсирида шаклланади, маҳаллий ҳикоялардан илҳом олади ва меҳмонларга шу жойнинг асл руҳини кашф этишга ёрдам бериш учун яратилади. Мерсуре Кҳиваъда бу ёндашув маҳаллий маданиятдан илҳомланган дизайн ва меҳмонлар келган заҳотиёқ ўзларини шаҳар билан боғлиқ ҳис қилишларига ундайдиган самимий муҳит орқали намоён бўлади.

Хорротлар кўчаси 81-уйда, Ичан Қалъанинг машҳур деворлари ёнида жойлашган Мерсуре Кҳива янги жойларни кашф этиш имконияти ва қулайликни ўзига хос тарзда уйғунлаштиради. Меҳмонлар кўп асрлик меъморий обидалар орасида сайр қилиб, маҳаллий ҳикоялар ва жонли анъаналар билан танишишлари, сўнг Хоразм руҳидан илҳомланган осойишта масканга қайтишлари мумкин. Урганч халқаро аеропорти ва темирйўл вокзалидан меҳмонхонага етиб келиш қулай бўлиб, бу уни Хива билан танишишни бошлаш учун идеал масканга айлантиради.

Меҳмонхонанинг гастрономик таклифлари Мерсуреънинг меҳмондўстликка ёндашувини акс эттириб, маҳаллий ўзига хосликни дунёнинг турли ошхоналарига хос жиҳатлар билан уйғунлаштиради. Меҳмонхонанинг асосий ресторани Пакҳлавон Плов Ўзбекистон ва Хоразм минтақасининг пазандачилик анъаналарини намоён этади. Унда паловнинг маҳаллий турлари билан бирга барак, шивит оши каби минтақавий таомлар ва анъанавий тандирда пиширилган таомлар тортилади. Дишан Қалъа маҳаллий ва халқаро ошхоналарнинг севимли таомларини таклиф этади. Меҳмонхона барлари ва кафеси эса кун давомида маҳаллий анъаналардан илҳомланган таъмларни кашф этиш учун самимий муҳит яратади. Меҳмонлар Тҳе Террасеъда очиқ ҳавода, осойишта муҳитда овқатланишлари ҳам мумкин.

Меҳмонхонада соғломлаштириш ва дам олиш учун кенг имкониятлар яратилган: сузиш ҳавзаси, анъанавий сауна, ҳаммом ва спа муолажалари мавжуд. Мерсуре Кҳива учта учрашув ва конференсия зали, турли тадбирларга мослаштириладиган майдонлар, индивидуал хизмат ҳамда эҳтиёжга мос кейтеринг вариантларини ҳам таклиф этади. Қўшимча хизматлар қаторига бепул Ви-Фи, хонага кеча-ю кундуз хизмат кўрсатиш, кир ювиш ва кимёвий тозалаш, автотураргоҳ ҳамда аеропорт трансфери киради.

Меҳмонлар Ассорънинг мукофотларга сазовор бўлган турмуш тарзига йўналтирилган содиқлик дастури ва брон қилиш платформаси АЛЛ Ассор имкониятларидан ҳам фойдаланишлари мумкин. Дастур аъзолари меҳмонхонада қолиш давомида балл тўплайдилар ва уларни бутун дунё бўйлаб мукофотлар, хизматлар ҳамда таассуротлар эвазига ишлатишлари мумкин.

Мерсуре 1973-йилда ташкил этилганидан буён маҳаллий ҳаётни кашф этишга иштиёқ билан ёндашиб, дизайн, гастрономия ва маҳаллий маданият билан танишиш имкониятлари орқали ўзи жойлашган ҳудуд билан чамбарчас боғлиқ меҳмонхоналар яратиб келмоқда. Бугун Мерсуре ушбу фалсафани Лосал Шаред витҳ Саре тамойилига содиқлиги орқали амалга оширмоқда. Бу маҳаллий ҳаётга хос таассуротларни улашиш, шу билан бирга маҳаллий ҳамжамиятларни қўллаб-қувватлаш, маданий меросни асраш ҳамда маҳсулотларни масъулият билан танлаш ва харид қилиш ваъдасидир. Глобал миқёсда кучли ва маҳаллий муҳитга мос бренд сифатида фаолият юритиши Мерсуреъга ўзлигини сақлаган ҳолда дунё бўйлаб кенгайиш имконини берди. Бугун Мерсуре тармоғига 65 дан ортиқ мамлакатдаги 1000 дан зиёд меҳмонхона, жумладан, Мерсуре Ливинг меҳмонхоналари киради. Улар шаҳар марказларида, соҳилларда, қишлоқ ҳудудларида ва тоғларда жойлашган. Мерсуре 110 дан ортиқ мамлакатда 5800 дан зиёд меҳмонхона ва бошқа жойлаштириш обьектларига эга бўлган, меҳмондўстлик соҳасида дунёнинг етакчи гуруҳларидан бири Ассор таркибига киради. Шунингдек, Мерсуре турли мукофотларни олиш, хизматлардан фойдаланиш ва янги таассуротлар орттириш имконини берувчи АЛЛ Ассор брон қилиш платформаси ва содиқлик дастурида иштирок этувчи бренддир.