“Мени қониқтирмаяпти” — Трамп нефт компаниялари кўп пул топганидан нолиди

**"Мени қониқтирмаяпти" – Трамп нефт компанияларининг ҳаддан ташқари даромадидан норозилигини билдирди**

АҚШ президенти Доналд Трамп нефт компанияларини "ҳаддан ортиқ кўп пул топаётгани" учун танқид қилди. Бу ҳақда Тҳе Валл Стреет Жоурнал хабар берди.

Президентнинг э'тирозлари Чеврон ва ЭххонМобил каби йирик нефт компанияларига қаратилган.

Овал кабинетда журналистлар билан суҳбатда Трамп шундай деди: "Агар бир йил олдингига нисбатан 12 баробар кўп даромад қилган компанияни олсак, у маблағларнинг бир қисмини одамларга қайтариши керак. Исте'молчилар учун нархни пасайтирган ма'қул."

Оқ уй раҳбари ўзини "эркин тадбиркорликнинг катта тарафдори" деб атаган бўлса-да, Эрон билан уруш туфайли ёнилғи нархи ошганидан нефт компаниялари фойда олаётганини қоралади.

"Буни айтаётганимга ҳайрон бўлдингизми? Очиқ айтаман, бу мени қониқтирмаяпти," деди у.

Президент Эрон билан уруш тугагач, нархлар пасайишига ишонч билдирди. АҚШнинг энг йирик нефт компаниялари – Эххон ва Чеврон иккинчи чорак учун ўта юқори фойда ҳақида ҳисобот берди. Жумладан, Чеврон фойдаси деярли 400 фоизга ошиб, 12 миллиард долларга етди. Таққослаш учун, 2025-йилнинг шу даврида бу кўрсаткич 2,5 миллиард долларни ташкил этганди. Эххон фойдаси бир йил олдинги 7,1 миллиард долларга нисбатан икки баробардан кўпроқ ошиб, 14,5 миллиард долларга етди.

Май ойи охирида нефт нархи бир баррел учун 100 доллар атрофида бўлган бир пайтда, мамлакатда бензиннинг ўртача нархи бир галлон учун 4,55 долларни ташкил этди.

Чеврон раҳбари Майк Вирт уруш энергия бозорларини "мўрт ва ноаниқ" қилиб қўйганини айтди. Шу билан бирга, у АҚШ олдинга қадам ташлагани ва ечимнинг бир қисмига айлангани туфайли нефт саноати яхши уддалаганини та'кидлади.

Шундан сўнг Трамп Чеврон раҳбарини кескин танқид қилиб, компания уни "ҳайдаб чиқаришган" Венесуелага қайтганини ва энди у илгари ҳар қачонгидан ҳам йирикроқ ҳамда кучлироқ бўлиб, катта бойлик орттиришни кўзлаётганини айтди.

Ма'лумот ўрнида, АҚШ президенти 2-август куни Эрон ва Яқин Шарқдаги бошқа давлатларнинг илтимосига кўра, янги ҳарбий зарбаларни вақтинча тўхтатди. У томонлар ўртасида асосий масалалар бўйича келишувга эришилганини айтди. Эрон билан бўлажак келишув Ҳормуз бўғозини зудлик билан тўлиқ очиш ва Теҳроннинг ядро таҳдидига барҳам беришни ўз ичига олади.

Ҳормуз бўғозининг глобал нефт ва суюлтирилган табиий газ савдосидаги геостратегик аҳамияти шундаки, нефт, конденсат ҳамда нефт маҳсулотларининг тахминан 15–20 фоизи ва суюлтирилган табиий газнинг 30 фоиздан ортиғи айнан шу бўғоз орқали ўтади. Бўғоз орқали ташиладиган нефт ҳажмининг 82 фоизи Осиё мамлакатлари ҳиссасига, қолган қисми эса Европага тўғри келади.