«Мен бунга йўл қўя олмасдим» – ҳиндистонлик учувчи нималар бўлганини айтиб берди
Флйдубаи рейси капитани Смит Маччҳар ўзига келди ва Ҳиндистон бош вазири Нарендра Моди билан видеоқўнғироқ орқали гаплашди.
«Мен бунга йўл қўя олмасдим» – ҳиндистонлик учувчи нималар бўлганини айтиб берди
Флйдубай авиакомпаниясининг Дубайдан Тел-Авивга йўл олган ФЗ1073 рейси фалокат билан тугашига оз қолган: иккинчи учувчи капитанга пичоқ билан ташланган, дастлабки маълумотларга кўра, у самолётни қулатмоқчи бўлган. Бортда 174 нафар йўловчи бўлиб, уларнинг аксарияти Исроил фуқаролари эди. Йўловчилар экипаж аъзолари билан бирга иккинчи учувчини зарарсизлантириб, самолётни ерга қўндиришга муваффақ бўлишган. Бироқ улар вазиятга фақат ярадор капитан Смит Маччҳаранинг жасорати туфайли аралаша олишган — у яраланганига қарамай, кабина эшигини очиб берган.
Флйдубай авиакомпанияси самолёти капитани, ҳиндистонлик Смит Маччҳар Дубайдан Тел-Авивга парвоз чоғида иккинчи учувчи томонидан уюштирилган ҳужумдан омон қолиб, шифохонада ўзига келган ва рўй берган воқеа ҳақида илк бор гапирган. У Абу-Дабидаги шифохонадан туриб Ҳиндистон бош вазири Нарендра Моди билан видеоалоқа орқали суҳбатлашган.
Маччҳар иккинчи учувчининг ҳужумидан сўнг полда ярадор ҳолда ётганини ва самолёт қулаётгандек туюлганини эслайди. Шунда у сўнгги кучини йиғиб, кабина эшигини ичкаридан очишга уринади.
Маччҳар ўзи жон талвасасида бўлса ҳам, у билан бирга бошқа одамлар ҳам ҳалок бўлиши мумкинлигини англаб турганини айтган:
Ўшанда ўз ҳаётим учун курашаётгандим. Мен йиқилдим ва агар ўрнимдан турмасам, нима бўлишини тушундим. Оғир яралангандим, аммо бошқалар ҳам ҳалок бўлишига йўл қўя олмасдим... Мен 17 йиллик иш стажига эга учувчиман, 11 йлдан буён кема капитаниман. Мен самолётда нима бўлаётганини кўзимни юмиб турган ҳолда ҳам биламан.
Полда ётганимда самолёт шўнғиётганини тушуниб турардим. Шунда ўзимга дедим: бу сўнгги чора, Смит. Эшик ёнгинангда, шунчаки уни очиб юбор. У мени уёқдан буёққа тортаётганига қарамай, мен буни уддаладим ва одамлар кириб келишди.
У ёрдам берган барча одамлар бу ишга ўзининг муҳим ҳиссасини қўшганини таъкидлаган.
Моди Маччҳарни «мардлиги, бардоши ва тезда қарор қабул қилгани» учун мақтади ва бу қарори жуда кўп инсонлар ҳаётини сақлаб қолганини таъкидлади.
Бутун мамлакат фахр билан айтиши мумкин: «биз одамларни ҳаётдан маҳрум этувчи эмас, уларни қутқарувчи ҳиндистонликлармиз».
Смит унга қўнғироқ учун миннатдорчилик билдирган: