Мбаппенинг жароҳати Зиданнинг дебютини бузди, Хвича пеналтини уролмади
Италия ва Белгия ўртасидаги учрашувда ҳам янги бош мураббийлар дебют қилди, Манчини ва ван Боммел дуелида нидерландиялик мутахассиснинг қўли баланд келди.
Мбаппенинг жароҳати Зиданнинг дебютига соя солди, Хвича пеналтидан фойдалана олмади
Жума оқшомида Миллатлар лигаси гуруҳ босқичидаги 1-тур баҳслари давом этди.
Мбаппе гол урди ва жароҳат олди
Туркия – Франсия 0:1
Мбаппе, 54 (0:1)
Зинедин Зидан Франсия миллий жамоасидаги ишини худди Мишел Платини сингари бошлади: 1988-йилдан бери «учранглилар» бош мураббийларининг дебюти турнир ўйинларига тўғри келмаётганди. Франсия терма жамоаси устози Дембелени миллий жамоада «тўққизлик» позициясида майдонга тушириб, кўпчиликни ҳайратда қолдирди. Бироқ ўша куни меҳмонларнинг ҳужум чизиғидаги бу тажриба ўзини оқлади, деб айтиш қийин, чунки жамоанинг дарвоза томон илк зарбаси фақат биринчи бўлим охирига келиб амалга ошди. 43-дақиқада ҳисоб очилиши мумкин эди, аммо Чақир Олисенинг мураккаб зарбасидан кейин юқори бурчакка кетаётган тўпни бармоқлари учида қайтариб қолди.
Иккинчи бўлим бошида эса франсузлар дарвозабони Менян ҳам ажойиб сейв амалга оширишга мажбур бўлди. У Юксакнинг бош билан йўллаган зарбасидан кейин газонга чўпчиган ҳолда келган тўпни тўсин устидан чиқариб юборишга муваффақ бўлди.
Бир неча дақиқа ўтиб франсузлар кучли прессинг уюштиришди, тўп олиб қўйилгач Олисе чап қанотдан жарима майдонига кириб келган Мбаппени тўп билан таъминлади. Килиан эса ҳеч қандай қаршиликсиз дарвозани ишғол этди. Бу «Реал» форвардининг миллий жамоа сардори сифатида урган 31-голи бўлиб, у Платинининг бу борадаги рекордини такрорлади. Бундан ташқари, у йил бошидан буён Франсия учун урган голлари сонини 12 тага етказиб, 2022-йилдаги шахсий рекордини ҳам такрорлади. Аммо ушбу ҳужумчи кўрсаткичларини яхшилай олмади ва жароҳат олиб, майдонни тарк этишга мажбур бўлди. У голни нишонлаш пайтидаёқ оқсоқланаётган эди ва бир неча дақиқа ўтиб чап тиззасини ушлаганча газонга ётиб олди ҳамда ўрнини Дезире Дуега бўшатиб берди.