Мбаппе сиёсий аксияда қатнашишни истамагани туфайли танқидга учради
«Реал» футболчиларидан ўйинга Сеута аҳолиси қўллаб-қувватланган футболкаларда чиқиш сўралди. Кўпчилик шундай қилди – аммо айримлар ёзувларни яширишди ва тезда бу кийимни ечиб ташлашди. Мбаппе сеуталикларни ҳам, муҳожирларни ҳам қўллаб-қувватлаш кераклигини айтди.
Мбаппе сиёсий аксияда иштирок этишни истамагани учун танқид остида қолди
15-сентабр куни кечқурун Испания Ла Лигаси 6-тури доирасида навбатдаги баҳс бўлиб ўтди — «Элче» Мадриднинг «Реал» клубини қабул қилди. Майдонга чиқишдан аввал футболчиларга кўксида Тодос сомос сабаллас, яъни «Барчамиз – скумбриялармиз» (Сеута аҳолиси ўзини шундай атайди) ёзуви туширилган футболкалар тарқатилди. Ушбу аксиянинг мақсади — Испаниянинг Марокашдан келган мигрантлар оқими сабабли кенг кўламли инқирозга юз тутган эксклави аҳолисини қўллаб-қувватлаш эди.
Жозе Моуринио бунга киноя билан муносабат билдириб, бошини чайқаганча четга кетади. «Реал» техник ходими футболкаларни улашишни бошлаганида эса Килиан Мбаппе уни туртиб юбориб, ҳайдамоқчи бўлади. Винисиус ҳам оғзини қўллари билан ёпган ҳолда Камавинга билан бу масалани муҳокама қилади.
Охир-оқибат жамоа сардори Феде Валверде вазиятга аралашиб, барчани бунга кўндиришга муваффақ бўлади ва ҳамма футболкаларни кийган ҳолда майдонга чиқади. Бироқ уч футболчи — Килиан Мбаппе, Винисиус (улар энг охирги бўлиб кийишган) ва Ибраима Конате ёзувлар тўлиқ кўринмаслиги учун футболкаларни фақат ярмигача кийган ва буни охиригача тўғриламаган. Мбаппе ва Винисиус фотосессиядан сўнг дарҳол футболкаларни ечиб ташлашган.
Ўйиндан кейин Мбаппедан бу ҳақда изоҳ сўралганда, у нафақат Сеута аҳолиси, балки ҳалок бўлган ёки даҳшатли шароитларда яшашга мажбур бўлаётган мигрантлар билан ҳам бирдамлигини айтган. «Мен Сеута ва барча қурбонлар билан бирдамлигимни изҳор этаман […] Чунки мен нафақат футболчи, аввало инсонман», — деган «Реал» ҳужумчиси.
Унинг отаси — марокашлик, Ямал ҳам Марокаш миллий жамоаси сафида ўйнаши мумкин эди, аммо якунда Испанияни танлаган.
Мбаппе, Конате ва Винисиуснинг хатти-ҳаракатлари Испания ва Франсияда сиёсатчилар томонидан катта эътирозларга сабаб бўлди. Консерватив ва ўта ўнг партиялар футболчиларнинг ҳаракатларини испан халқи ва умуман Европага нисбатан ҳурмацизлик деб баҳолаб, уларни танқид қилди. Бундан ташқари, ўнг қанотга мансуб мухлислар, жумладан, «Реал»нинг ҳам шундай мухлислари гуруҳи футболчилардан узр сўрашни талаб қилмоқда.