Майкл Олисе тиззасидан жароҳат олди. У “Атлетико”га қарши ўйинини ўтказиб юбориши мумкин
Футболчи айни пайтда Мюнхен клубининг машғулот базасида даволанмоқда.
Майкл Олисе тиззасидан жароҳат олди ва “Атлетико”га қарши баҳсни ўтказиб юбориши мумкин
“Бавария” вингери Майкл Олисе Чемпионлар Лигасининг 4-турида “Атлетико Мадрид”га қарши ўйинда майдонга тушмаслиги эҳтимоли бор. Бу ҳақда ЛъЕқуипе хабар берди.
Франсиялик футболчи Бундеслиганинг 9-турида “Боруссия Дортмунд”га қарши кечган учрашувда (2:2) ўнг тиззасидан жароҳат олган.
Ҳозирда у Мюнхендаги клуб машғулот базасида даволанмоқда. Олисенинг қачон сафга қайтиши ҳозирча аниқ эмас.
Футболчи бугун тиббий кўрикдан ўтади. Текширув натижаларига қараб, “Бавария” унинг жамоа билан Мадридга бориши ёки бормаслиги ҳақида қарор қилади.
Бу мавсумда 24 ёшли Олисе Бундеслигада 8 та ўйинда майдонга тушиб, 6 та гол урди ва 3 та голли узатма берди. Шунингдек, Чемпионлар Лигасидаги 2 та ўйинда 2 та гол ва 1 та ассист қайд этди.