Математик жиҳатдан идеал: сўнгги 6 йилдаги дунёнинг энг чиройли 8 юлдузи
**Математик мукаммаллик: Сўнгги 6 йилдаги дунёнинг энг гўзал 8 юлдузи**
Ташқи кўринишга бўлган қарашлар доимий равишда ўзгариб турса-да, сўнгги йилларда ижтимоий тармоқлар ва ОАВ яна "олтин нисбат" тамойилига катта эътибор қаратмоқда. Бу математик моделда икки соннинг ўзаро нисбати 1,618 га яқин бўлиши идеал ҳисобланади. ХХ асрда ушбу кўрсаткич инсон юзининг мутаносиблигини баҳолашда ҳам қўлланила бошланди. Британиялик пластик жарроҳ Жулиан Де Силва деярли ҳар йили математик ҳисоб-китоблар ёрдамида юз тузилиши олтин нисбатга энг яқин бўлган машҳурларни аниқлайди.
**2025-йил — Эмма Стоун**
Де Силванинг 2025-йилги ҳисоб-китобларига кўра, энг гўзал юлдуз Эмма Стоун бўлган. "Круелла", "Бердмен", "Ла-Ла Ленд" ва "Бечоралар — бахцизлар" филмларидаги роллари билан танилган актриса олтин нисбатга энг яқин юз тузилишига эга деб топилган. Де Силва унинг қошлар чизиғи 94,2 фоиз, ияги 97 фоиз, лаблари эса 95,6 фоиз даражада идеал нисбатга мос келишини айтган. Умумий натижада Стоун биринчи ўринни эгаллаган.
**2024-йил — Аарон Тейлор-Жонсон**
2024-йилда энг гўзал эркак деб актёр Аарон Тейлор-Жонсон топилган. У "Анна Каренина" филмидаги Вронский роли билан танилган. Актёрнинг юз тузилиши олтин нисбатга 93,04 фоиз мос келган. Де Силванинг таъкидлашича, агар Тейлор-Жонсон Жеймс Бонд ролини олса, у тарихдаги энг гўзал Бондлардан бирига айланиши мумкин.
**2024-йил — Аня Тейлор-Жой**
2024-йилнинг энг гўзал аёли сифатида Аня Тейлор-Жой тан олинган. "Қироличанинг юриши" ва "Фюриоса" филмларидаги роллари билан машҳур актрисанинг кўзлари, қошлари, бурни, лаблари, ияги ва юз шакли олтин нисбатга 94,35 фоиз мос келган.
**2023-йил — Реге-Жан Пейж**
"Бриджертонлар" сериали юлдузи Реге-Жан Пейж 2023-йилнинг энг гўзал эркаги деб топилган. Де Силванинг математик тизими актёрнинг кўзлари ўлчами ва улар орасидаги масофасини деярли идеал деб баҳолаган. Бурнининг эни ва узунлиги учун бироз балл камайтирилган бўлса-да, унинг умумий натижаси 93,65 фоизни ташкил этган.
**2022-йил — Жоди Комер**
2022-йилда энг гўзал актриса деб Жоди Комер тан олинган. "Момо Ҳаво қотили" сериали юлдузининг юз тузилиши олтин нисбатга 94,52 фоиз мос келган. Британиялик актриса ушбу сериалдаги Виланел роли учун "Эмми" ва БАФТА ТВ мукофотларини қўлга киритган.
**2021-йил — Малика Диана**
2021-йилда Де Силва замонавий кино юлдузлари ўрнига қироллик оиласи вакилларининг юз тузилишини таҳлил қилган. Унинг ҳисоб-китобларига кўра, Малика Диана энг жозибадор аёл деб топилган. Диананинг юз тузилиши олтин нисбатга 89,05 фоиз мос келган. У Кейт Миддлтон, Меган Маркл ҳамда Иордания қироличаси Рания ва Монако маликаси Грейс Келли каби бошқа машҳур қироллик вакилларидан юқори натижа қайд этган.
**2020-йил — Роберт Паттинсон**
2020-йилда олтин нисбатга энг яқин юз тузилишига эга эркак сифатида Роберт Паттинсон танланган. Унинг кўрсаткичи 92,15 фоизни ташкил этган. Паттинсон "Сумерки" франшизасидаги роли орқали дунёга машҳур бўлган бўлса-да, кейинчалик мураккаб ва муаллифлик филмларида рол ижро этишга интилган. Шунга қарамай, унинг ташқи кўриниши мухлислар эътиборидан четда қолмаган.
**2019-йил — Белла Ҳадид**
2019-йилда эса модел Белла Ҳадид математик жиҳатдан дунёнинг энг гўзал аёли деб топилган. Унинг юз тузилиши олтин нисбатга 94,35 фоиз мос келган. Тадқиқотда Ҳадиднинг ияги энг юқори натижани — 99,7 фоизни қайд этган. Кўзларининг жойлашуви ҳам юқори баҳоланган, қошлар соҳаси эса 88 фоиз мос келган.
Олтин нисбат гўзаллик мезони сифатида яна оммалашгач, ижтимоий тармоқларда машҳурлар юзини "идеал ниқоб"га мослаштирувчи тасвирлар ҳам кўпайди. Бироқ кўпчилик ҳолатларда юлдузларнинг айнан номукаммал жиҳатлари уларни янада ўзига хос ва гўзал кўрсатиши маълум бўлган. Математика гўзалликни ўлчашга ёрдам бериши мумкин, аммо ҳақиқий жозиба кўпинча инсонни бошқалардан ажратиб турадиган ўзига хослик ва номукаммалликда яширинади.