Марсдан «откритка»: Суриоситй 5000-солини янги панорама билан нишонлади
НАСАнинг Суриоситй марсоходи Қизил сайёрадаги 5000-марс суткасини янги панорама билан нишонлади. Норасмий равишда «Шоколатал» деб аталган қумли қирдан олинган тасвирда Марс манзараси куннинг икки хил вақтида акс этган.
Марсдан «откритка»: Суриоситй 5000-солини янги панорама билан нишонлади
Марсоход атрофни оқ-қора навигация камералари орқали суратга олди. Биринчи панорама 2026-йил 30-августда, Марснинг маҳаллий вақти билан соат 09:56 да — Суриоситй миссиясининг 5000-солида олинган. «Сол» Марсдаги бир суткани англатади.
Иккинчи панорама эса 2-сентабр куни соат 17:39 да, миссиянинг 5003-солида тасвирга туширилган.
Икки панорама Ерга юборилгач, мутахассислар уларни битта тасвирга бирлаштирган. Шундай қилиб, Марсдан жўнатилган ўзига хос «откритка» юзага келган.
Кўк ва сариқ ранглар қаердан пайдо бўлган?
Панорамадаги ранглар камера қайд этган табиий ранглар эмас. Улар манзарани бадиий талқин қилиш ва турли вақтларда олинган тасвирларни ажратиш учун кейинроқ қўшилган.
Кўк ранг эрталаб олинган панорамани, сариқ эса куннинг иккинчи ярмидаги тасвирни билдиради. Суриоситй суратларидан бундай «откриткалар» аввал ҳам тайёрланган.
Тасвирда марсоходнинг ўзи ҳам кўринади
Панораманинг олд қисмида Суриоситй ва унинг бир қатор жиҳозлари акс этган. Улар орасида силиндрсимон УҲФ антеннаси ҳам бор. У Марс орбитасидаги космик аппаратларга маълумот узатиш учун хизмат қилади.
Марсоходнинг орқа қисмида қовурғасимон элементларга эга ММРТГ радиоизотопли термоелектр генератори ҳам кўринади. У Суриоситйъни сайёра юзасида ишлаши учун зарур электр энергияси билан таъминлайди.
Суриоситй ҳозир қаерда?
Марсоход Гейл кратери тубидан тахминан беш километр баландликка кўтарилган Шарп тоғининг қуйи ёнбағирларини ўрганмоқда.
Янги панорама тоғ ёнбағридан пастга — кратер туби томон йўналтирилган. Гейл кратерининг узоқдаги чеккаси эса уфқда зўрға кўринади.