Маросимлар кўп, келишувлар кам. АҚШ-Хитой саммитидан 6 хулоса
Саммит рамзий ишораларга бой, аммо мазмунан саёз бўлди: йирик ютуқ қайд этилмади, бироқ икки томон сунъий интеллектни ҳамкорлик йўналиши сифатида тилга олди.
Маросимлар кўп, келишувлар кам. АҚШ-Хитой саммитидан 6 хулоса
Хитой раиси Си Жинпингнинг 23–25-сентабр кунлари АҚШга қилган давлат ташрифи икки етакчининг бир йил ичидаги учинчи юзма-юз учрашуви бўлди. Си Вашингтонга 2015-йилдан бери илк бор келди. Саммит рамзий ишораларга бой, аммо мазмунан саёз бўлди: йирик ютуқ қайд этилмади, бироқ икки томон сунъий интеллектни ҳамкорлик йўналиши сифатида тилга олди.
Оқ уй ташрифнинг биринчи куниданоқ саммитни катта томошага айлантиришга уринди. АҚШ президенти Доналд Трамп 23-сентабр куни меҳмонни одатдагидек Оқ уйда кутиб олмасдан, ўзи Эндрюс ҳарбий базасига бориб, Сини самолёт зинапояси олдида қарши олди.
Эртаси куни Оқ уйдаги Атиргуллар боғида фахрий қоровул саф тортди: осмондан Б-2 бомбардимончиси ва Ф-22 қирувчилари учиб ўтди. Трамп Си билан «ҳеч қачон бунчалик яхши тил топишмагани»ни айтди, Си эса Никсоннинг 1972-йилги ташрифини эслаб, «қон ва оловда тобланган дўстлик» ҳақида гапирди. 25-сентабр куни етакчилар Миллий архивга бориши режалаштирилган.
Саммитда энг кўп тилга олинган мавзу сунъий интеллект бўлди, бироқ томонларнинг унга муносабати сезиларли даражада фарқ қилди. Учрашувдан олдин, 20-сентабр куни Ню-Ёркда Хитой Бош вазири ўринбосари Хе Лифен ва АҚШ Молия вазири Скотт Бессент бощилигидаги делегациялар сунъий интеллект бўйича илк мулоқотни ўтказганди. Бессент миллий хавфсизлик даражасидаги АИ ҳодисалари ҳақида бир-бирини хабардор қилиш механизмини таклиф қилганини айтди, аммо Пекин бунга рози бўлганини расман тасдиқламади.
«АИ'ни эзгулик йўлида ривожлантириш ва бошқариш имконияти ҳамда масъулиятига эга» эканини, технология «доим инсон назоратида» қолиши кераклигини таъкидлади.
Хитой Ташқи ишлар вазирлиги баёнотига кўра, Си ёпиқ музокарада АИ хатарлари бўйича мулоқот ўрнатишни ва ундан нотўғри фойдаланишнинг олдини олишни таклиф қилган. Хитой баёнотида айтилишича, Трамп ҳам АИ «инсоният келажагига дахлдор» эканини ва бу борада мулоқотни давом эттириш кераклигини айтган.