Марк Сукерберг Ирландиядаги 200 йиллик тарихга эга қасрни сотиб олди

Марк Сукерберг Ирландиядаги 200 йиллик қасрга эгалик қилди

Фасебоок асосчиси ва Мета раҳбари Марк Сукерберг рафиқаси Приссилла Чан билан биргаликда Ирландиянинг тарихий Странсаллй қасрини сотиб олди. Бу ҳақда “Korrespondent.net” Тҳе Гуардиан нашрига таяниб хабар берди.

Вотерфорд графлигида, Блеквотер дарёси бўйида жойлашган ушбу резиденсиянинг аниқ нархи расман ошкор этилмаган. Бироқ оммавий ахборот воситалари келишув қийматини 20-30 миллион евро атрофида баҳоламоқда.

Маълумотларга кўра, Странсаллй қасри 1825–1835-йилларда қурилган. Уч қаватли бинонинг майдони қарийб 1500 квадрат метрни, унга тегишли ҳудуд эса 178 гектарни ташкил этади. Бу ерда ўрмон, боғлар ва шахсий пристан мавжуд.

Янги резиденсия Мета компаниясининг Дублиндаги Европа штаб-квартирасидан тахминан 200 километр узоқликда жойлашган. Сукербергнинг расмий вакили Браян Бейкернинг билдиришича, миллиардер ва унинг оиласи ушбу тарихий обидани сақлаб қолиш ҳамда Ирландияда вақт ўтказиш имкониятидан мамнун. Ҳозирда ушбу мамлакатда компаниянинг 1500 га яқин ходими фаолият юритади.

Эслатиб ўтамиз, миллиардер жорий йилнинг март ойида Маями яқинидаги хусусий оролдан 170 миллион долларга йирик мулк сотиб олган эди. Мазкур харидлар фонида Мета компанияси сунъий интеллект лойиҳаларига сарфланаётган катта харажатлар сабабли апрел ойида 8 мингга яқин иш ўрнини қисқартиришини маълум қилган. Сўнгги маълумотларга кўра, Сукербергнинг бойлиги илк бор 200 миллиард доллардан ошган.