Марҳум Линдси Гремнинг ўрнини унинг синглиси эгаллади.
АҚШнинг марҳум сенатори Линдси Гремнинг ўрнини унинг синглиси Дарлин Грем Нордон эгаллади. Жанубий Каролина губернатори Ҳенри Макмастер уни Сенатга тайинлади. Бу қарор президент Доналд Трампнинг тавсиясидан сўнг қабул қилингани айтилмоқда..
Марҳум сенатор Линдси Гремнинг ўрнини унинг синглиси Дарлин Грем Нордон эгаллади. АҚШнинг Жанубий Каролина губернатори Ҳенри Макмастер уни Сенатга тайинлади. Бу қарор президент Доналд Трампнинг тавсиясидан сўнг қабул қилинган.
Фох Невс телеканали хабар беришича, Жанубий Каролина губернатори Ҳенри Макмастер Линдси Гремнинг синглиси Дарлин Грем Нордонни АҚШ Сенати аъзоси сифатида тайинлади. У марҳум сенаторнинг ваколатларини вақтинча давом эттиради.
«Линдсининг ишини унинг кенжа синглиси Дарлин давом эттиришини сўраш мен учун катта шараф», — деди губернатор Макмастер.
Президент Доналд Трамп ҳам бу қарорни қўллаб-қувватлаб, Трутҳ Сосиал ижтимоий тармоғида Дарлин Грем Нордоннинг тайинланиши акаси хотирасига муносиб эҳтиром бўлишини таъкидлади.
Тайинлов Линдси Гремнинг тўсатдан вафот этганидан икки кун ўтиб амалга оширилди. Республикачилар партияси Сенатдаги нозик кўпчиликни сақлаб қолиш мақсадида ушбу масала бўйича тезкор қарор қабул қилди.
Фох Невс Дигитал маълумотига кўра, сенаторлик ўрнига бошқа номзодлар, жумладан Жанубий Каролина вице-губернатори Пем Эветт, Конгресснинг собиқ аъзоси Трей Гоуди ва собиқ сенатор Жим Деминт ҳам кўриб чиқилган.
Бироқ якунда Дарлин Грем Нордон танланди. У камида 2027 йил 3 январгача сенатор вазифасини бажаради. Шу йил ноябр ойида бўлиб ўтадиган сайловларда эса сайловчилар мазкур ўринга кейинги олти йиллик муддат учун янги сенаторни танлайди.
71 ёшли Линдси Грем 11 июл куни аортанинг қатламланиши оқибатида тўсатдан вафот этди.
Вафотидан бир кун аввал у Киевга ташриф буюриб, Украина президенти Володимир Зеленский билан учрашган, шунингдек, СкйФалл мудофаа компаниясининг дронлар ишлаб чиқариш заводига борган эди. Учрашувларда Россия ва унинг иттифоқчиларига қарши санксияларни кучайтириш ҳамда Украинага ёрдам масалалари муҳокама қилинган.
Линдси Грем Россия сиёсатини кескин танқид қилиб келган ва Украинанинг энг фаол қўллаб-қувватловчиларидан бири сифатида танилган.
Доналд Трамп марҳум сенатор хотирасига бағишланган баёнотида уни «ўзи билган энг буюк сенаторлардан бири» деб атади.
«У доимо мамлакат манфаати учун меҳнат қилди ва ҳақиқий америкалик ватанпарвар эди. Линдсини жуда соғинамиз», — деб ёзди Трамп.
Линдси Грем сиёсий фаолияти давомида Жанубий Каролинадан Конгресс Вакиллар палатасига, кейин эса Сенатга сайланган. Фаолиятининг дастлабки йилларида у Доналд Трампни танқид қилган бўлса, кейинчалик унинг энг яқин сиёсий иттифоқчиларидан бирига айланган. Миллий хавфсизлик ва мудофаа масалаларида қатъий позицияси билан танилган Грем АҚШ ташқи сиёсатининг фаол тарафдорларидан бири ҳисобланган.