“Манчестер Сити” “Рома” яримҳимоячисини нишонга олди — Тҳе Гуардиан
“Манчестер Сити” “Рома”нинг франсиялик яримҳимоячиси Ману Конени ўз сафига қўшиб олиш имкониятини кўриб чиқмоқда, дея хабар беради Тҳе Гуардиан. Англия клуби 25 ёшли футболчининг тахминий трансфер нархини 50 миллион фунт стерлинг атрофида баҳоламоқда.
“Шаҳарликлар” Коненинг майдондаги фаоллиги ва халқаро тажрибаси жамоа ўйинини сезиларли даражада кучайтиради, деб ҳисобламоқда.
Ҳозирда “Манчестер Сити” яримҳимоя чизиғини янгилаш билан банд. Клуб аллақачон “Ноттингем Форест”дан Эллиот Андерсонни 116 миллион фунтга сотиб олган. Шунингдек, “Лилл”нинг 18 ёшли футболчиси Айюб Буаддининг 85 миллион фунтлик трансферини якунлаш арафасида турибди. Шу билан бирга, жамоанинг асосий таянч яримҳимоячиси Родри 65 миллион фунт эвазига “Барселона”га ўтган.
Янги харид қилинган Андерсон тажрибали футболчи бўлса-да, 18 ёшли Буаддида юқори даражадаги ўйин амалиёти ҳали етарли эмас. Шу сабабли Коненинг тажрибаси жамоага жуда керак бўлиши мумкин.
Маълумот учун, Ману Коне якунланган мавсумда “Рома” таркибида жами 37 та ўйинда майдонга тушиб, 2 та гол урган ва 3 та голли узатмага муаллифлик қилган. Унинг римликлар билан шартномаси 2029-йилнинг ёзига қадар амал қилади. Трансфермаркт портали Коненинг бозор қийматини 50 миллион еврога баҳолаган.