“Манчестер Сити” Родрининг трансфери бўйича “Барселона”га яна “йўқ” деди — Тҳе Тимес
“Манчестер Сити” “Барселона”нинг Родри бўйича иккинчи таклифини ҳам рад этди — Тҳе Тимес
Англиянинг “Манчестер Сити” футбол клуби яримҳимоячи Родри трансфери юзасидан “Барселона”дан келган иккинчи таклифни ҳам қабул қилмади. Бу ҳақда Тҳе Тимес нашри хабар берди.
Аввалроқ, Каталония клуби испаниялик хавбек учун Англия чемпионига 60 миллион евро атрофида маблағ таклиф қилгани маълум бўлган эди. Манбага кўра, “шаҳарликлар” бу таклифни қониқарсиз деб топган ва ўз футболчиси учун тахминан 80 миллион евро талаб қилмоқда.
Хабарларга кўра, музокараларда “Барселона” фойдасига ишлаётган энг муҳим омиллардан бири Родрининг амалдаги шартномаси билан боғлиқ вазиятдир. Испаниялик футболчи ва “Манчестер Сити” ўртасидаги келишув тугашига атиги бир йил қолган. Родри эса инглиз клуби билан ҳамкорликни узайтиришни истамаяпти.
Бу ҳолат “Сити”нинг режалари ва қарорларига жиддий таъсир кўрсатади. Клуб ўзининг асосий футболчиларидан бирини арзон нархда сотишни хоҳламаяпти. Аммо Родрининг шартномасини узайтирмасдан туриб, сўнгги йилини клубда ўтказишига рухсат бериш келажакда инглизлар учун бундан-да каттароқ муаммоларни келтириб чиқариши мумкин. Айнан мана шу ҳолат “Барселона” фойдасига ишламоқда.
30 ёшли Родри 2025/2026-йилги мавсумда Англия Премьер Лигасида жами 21 та учрашувда майдонга тушиб, битта гол уришга муваффақ бўлган. Шунингдек, у Чемпионлар Лигасида 5 та ўйинда иштирок этган.