“Манчестер Сити” Энсо Фернандес билан келишиб олди — Романо

“Манчестер Сити” Энсо Фернандес билан келишувга эришди — Романо

“Челси”нинг яримҳимоячиси Энсо Фернандес “Манчестер Сити” билан шахсий шартнома шартлари борасида оғзаки келишувга эришди.

Инсайдер Фабрицио Романонинг маълумотларига кўра, “Манчестер Сити” ҳозирча аргентиналик футболчининг трансфери бўйича “Челси”га расмий таклиф юбормаган. Аммо клублар ўртасидаги музокаралар яқин орада бошланиши кутилмоқда.

Фернандес “Челси”ни шу ҳафта охирида тарк этиши мумкин. Аввалроқ Лондон клуби 25 ёшли яримҳимоячи учун 120 миллион фунт (140 миллион евро) миқдорида маблағ олишни режалаштираётгани хабар қилинган эди.

Англия Премьер Лигасининг 1-турида “Челси” “Фулҳем”ни 3:2 ҳисобида мағлуб этди. Бироқ Фернандес ўйинни захира ўриндиғида бошлади ва майдонга фақат ўйин тугашига 25 дақиқа қолганида тушди.

Энсо Фернандес 2023-йил январидан буён “Челси” сафида ўйнаб келмоқда. У Лондон клубига Португалиянинг “Бенфика” жамоасидан келган.

Аргентиналик яримҳимоячининг “Челси” билан амалдаги шартномаси 2032-йил ёзига қадар тузилган. Трансфермаркт портали Фернандеснинг бозор қийматини 100 миллион еврога баҳоламоқда.