Мана уч от қўшилган арава учиб бормоқда
Хитой ва Туркиянинг ҳарбий-транспорт самолётлари Покистонга қатновини кўпайтирди — The Jerusalem Post
Мана учқур учлик елдек учмоқда
Сўнгги кунларда Хитой ва Туркия ҳарбий-транспорт самолётларининг Покистонга парвозлари интенсивлиги сезиларли даражада ошди.
Хабар қилинишича, Хитойнинг Y-20, шунингдек, Туркиянинг A400M Atlas ва C-130 Hercules каби самолётлари Покистоннинг авиабазаларига, жумладан, Нур-Хон (Равалпинди яқинида), Масрур (Карачида) ва Муридга қўнишни амалга оширган.
Улар учувчисиз учиш аппаратлари, ўқ-дорилар ва бошқа мудофаа тизимларини ўз ичига олган ҳарбий техникаларни ташиган деб тахмин қилинмоқда. Бу оддий алмашинув эмас, балки кенг кўламли логистика операциясининг бир қисми сифатида кўрилмоқда.
Нашрнинг ёзишича, ушбу воқеалар фонида Туркия, Покистон ва Хитойни ўз ичига олган янги «стратегик учлик» шаклланмоқда. Хитой Макка шартномасининг иштирокчиси бўлмаса-да, унинг ушбу учбурчакдаги роли ҳал қилувчи аҳамиятга эга деб ҳисобланади.