«Ман Сити» 114 та молиявий қоидабузарликда айбдор деб топилди - ОАВ
Клубга нисбатан санксиялар ҳали белгиланмаган, «Манчестер Сити» апелляция беришни режалаштирмоқда.
«Ман Сити» 114 та молиявий қоидабузарликда айбдор деб топилди — ОАВ
«Манчестер Сити» Англия Премьер-лигасининг (АПЛ) молиявий қоидаларини бузганликда айбдор деб топилди.
Нашрга анонимлик шарти билан мурожаат қилган манбаларга кўра (улар оммавий баёнот бериш ваколатига эга эмас эди), клуб 115 та айбловдан 114 таси бўйича айбдор деб топилган.
Қайд этилишича, жазо чоралари ҳали белгиланмаган — барча вариантлар кўриб чиқилмоқда, «Манчестер Сити» эса апелляция бериши кутилмоқда.
«Жараён давом этмоқда, муҳим босқичлар якунланиши керак, ишнинг бориши эса қатъий махфийлигича қолмоқда. Шу муносабат билан «Манчестер Сити»нинг позицияси ўзгаришсиз қолмоқда ва клубнинг 2023-йил феврал ойидаги баёнотига мос келади. Клуб саккиз йил давомида АПЛ раҳбарияти ва ижро органлари мустақил, холис ва адолатли, нохолис таъсирдан холи регулятор сифатида фаолият юритишига ишониб, белгиланган тартиб-қоидаларга виждонан риоя қилди», - деди «Манчестер Сити» вакили.
АПЛ 2023-йил бошида 2018-йилда бошланган тергов якунлари бўйича, клуб 2008-йилда Ситй Фоотбалл Гроуп томонидан сотиб олинганидан кейин юздан ортиқ қоидабузарликларни аниқлаганини маълум қилган эди. Лиганинг даъволари ноаниқ молиявий маълумотларни тақдим этиш, тергов билан ҳамкорлик қилишдан бош тортиш, 2009–2013-йилларда жамоани Роберто Манчини бошқарган даврда мураббийлар маошини тўлиқ ошкор қилмаслик ҳамда 2013–2018-йилларда фаир плай қоидалари ва молиявий барқарорликка риоя қилмаслик билан боғлиқ. «Манчестер Сити» барча айбловларни рад этиб келган.
2024-йил август ойида Нев Ёрк Тимес «Манчестер Сити» 70–80 очкодан маҳрум бўлиши мумкинлиги, бу эса Премьер-Лигадан қуйи лигага тушиб кетишни кафолатлаши ҳақида ёзган эди.