“Мамлакатимиз келажаги нафақат аҳоли сони, балки энг аввало улар қандай имкониятларга эга бўлиши билан белгиланади” — Саида Мирзиёева
“Мамлакатимиз келажаги нафақат аҳоли сони, балки энг аввало улар қандай имкониятларга эга бўлиши билан белгиланади” — Саида Мирзиёева
Президент администрацияси раҳбари Саида Мирзиёева БМТнинг Аҳолишунослик жамғармаси билан ҳамкорликда демографик барқарорлик масалаларига бағишланган тадбирда қатнашди.
Таъкидланишича, Ўзбекистоннинг энг муҳим капитали — унинг ёш авлоди.
Бу салоҳият келажакда демографик дивиденд манбаига айланиши учун бугундан бошлаб ҳар бир инсоннинг, айниқса, аёллар ва болаларнинг саломатлиги, таълими ҳамда хавфсизлигига инвестиция киритиш зарур.
“Бу борадаги саъй-ҳаракатларимиз манзилли ва узоқ муддатли бўлишини таъминлаш мақсадида демографик прогнозлаш тизимини йўлга қўйяпмиз ҳамда Демографик дивиденд – 2050 стратегиясини ишлаб чиқишни режалаштиряпмиз. Мамлакатимиз келажаги нафақат аҳоли сони, балки энг аввало улар қандай имкониятларга эга бўлиши билан белгиланади”, – деб ёзди Президент администрацияси раҳбари.
Аввалроқ Саида Мирзиёева ЖСТ бош директори билан учрашгани ҳақида хабар берилганди.