Мактабларда чораклик баҳолар янги тизим бўйича ҳисобланади: 10, 50 ва 40 балл
Мактабларда чораклик баҳо 100 баллдан шакллантирилади: 10 баллни форматив баҳолаш, 50 баллни боб бўйича баҳолаш, 40 баллни эса чораклик якуний назорат ташкил этади. Бу ҳақда Мактабгача ва мактаб таълими вазирлиги маълум қилди. Янги тизим нафақат ёдлаб олинган маълумотлар ҳажмини ҳисобга олади. У шунингдек, мавзуларни тушуниш, мустақил фикрлаш ва билимларни амалда қўллаш қобилиятини ҳам баҳолайди […]
Мактабларда чораклик баҳо янги тизим бўйича ҳисобланади: 10, 50 ва 40 балл
Мактабларда чораклик баҳо 100 баллдан шакллантирилади: 10 балл форматив баҳолашга, 50 балл боб бўйича баҳолашга, 40 балл эса чораклик якуний назоратга тўғри келади. Бу ҳақда Мактабгача ва мактаб таълими вазирлиги маълум қилди.
Янги тизим нафақат ёдлаб олинган маълумотлар ҳажмини ҳисобга олади. У шунингдек, мавзуларни тушуниш, мустақил фикрлаш ва билимларни амалиётда қўллай олиш қобилиятини ҳам баҳолайди.
10 балл — форматив баҳолаш. Дарслар давомида ўқитувчилар ўқувчиларнинг материални қандай ўзлаштираётганини кузатиб борадилар. Шунингдек, уларга хатолари кўрсатилади ва уларни тузатиш имконияти берилади.
50 балл — БСБ, боб бўйича сумматив баҳолаш. У ўқувчи ўрганилган мавзу ёки бўлимни қанчалик ўзлаштирганини кўрсатади.
40 балл — ЧСБ, чораклик сумматив баҳолаш. Ушбу босқичда чорак давомида олинган умумий билим ва амалий кўникмалар баҳоланади.
Шу тариқа, чораклик баҳо учта баҳолаш туридан шаклланади ва умумий ҳисобда максимал 100 баллни ташкил этади.