Маҳаллада бизнес бошлаш ва ривожлантириш учун молиявий имкониятлар
Маҳаллада тадбиркорлик фаолиятини йўлга қўйиш, мавжуд бизнесни кенгайтириш ёки янги йўналишни бошлаш учун молиявий маблағ
**Маҳаллада бизнесни бошлаш ва кенгайтириш учун молиявий имкониятлар**
Маҳаллада тадбиркорлик фаолиятини йўлга қўйиш, мавжуд бизнесни кенгайтириш ёки янги йўналишни бошлаш учун молиявий маблағ зарур бўлиши мумкин. Бундай ҳолатда тадбиркор ўз фаолияти ҳажми ва эҳтиёжидан келиб чиқиб, мос кредит маҳсулотидан фойдаланиши мумкин. «Микрокредитбанк» АТБ томонидан маҳаллаларда тадбиркорликни ривожлантиришга қаратилган «Маҳалла тадбиркори» ҳамда «Бизнесга биринчи қадам» кредитлари таклиф этилмоқда.
Ушбу кредитлар орқали бизнесни бошлаш ёки ривожлантириш учун керакли маблағларни жалб қилиш имконияти мавжуд.
### «Маҳалла тадбиркори» кредити
Мазкур кредит ўзини ўзи банд қилган фуқаролар ва тадбиркорлик субьектларининг бизнес фаолиятини ривожлантириш учун мўлжалланган. Кредитдан «Микрокредитбанк» АТБга бириктирилган ва бошқа туман (шаҳар)ларда яшовчи, ўзини ўзи банд қилганлиги бўйича рўйхатдан ўтганига 6 ойдан ошмаган Ўзбекистон Республикаси фуқаролари, шунингдек, тадбиркорлик субьектлари фойдаланиши мумкин.
**Кредит миқдори:**
• жисмоний шахслар учун — 100 млн сўмгача;
• тадбиркорлик субьектлари учун — 300 млн сўмгача.
Кредит муддати 24 ойдан 84 ойгача, имтиёзли даври эса 12 ойгача белгиланади. Фоиз ставкаси — 21 фоиз.
Масалан, маҳаллада тикувчилик, қандолатчилик, хизмат кўрсатиш ёки бошқа фаолиятни йўлга қўйишни режалаштираётган фуқаро зарур ускуна, хомашё ёки бошқа бизнес харажатларини молиялаштириш учун ушбу кредитдан фойдаланиши мумкин.
### «Бизнесга биринчи қадам» кредити
Бизнес фаолиятини эндигина бошлаётганлар учун «Бизнесга биринчи қадам» кредити ҳам молиявий имкониятлардан биридир. Ушбу кредит ҳам «Микрокредитбанк» АТБга бириктирилган ва бошқа туман (шаҳар)ларда яшовчи, ўзини ўзи банд қилганлиги бўйича рўйхатдан ўтганига 6 ойдан ошмаган Ўзбекистон Республикаси фуқаролари ҳамда тадбиркорлик субьектларига мўлжалланган.
Кредит 50 млн сўмгача миқдорда ажратилиши мумкин. Фоиз ставкаси 21 фоиз, имтиёзли даври эса 6 ойгача.
Мисол учун, уй шароитида хизмат кўрсатиш ёки маҳсулот ишлаб чиқариш фаолиятини бошламоқчи бўлган тадбиркор дастлабки жиҳозлар, хомашё ва бошқа зарур харажатларни молиялаштириш учун ушбу имкониятдан фойдаланиши мумкин.
### Бизнесингиз учун зарур имкониятни танланг!
Ҳар қандай бизнес аввало аниқ режа ва ҳисоб-китобдан бошланади. Кредит олишдан олдин маблағнинг қандай мақсадда ишлатилиши, бизнесдан кутилаётган даромад ва кредит тўловларини амалга ошириш имкониятларини ҳисобга олиш муҳим.
«Маҳалла тадбиркори» кредити 100 млн сўмгача бўлган маблағга эҳтиёж сезаётган жисмоний шахслар ҳамда 300 млн сўмгача молиялаштириш зарур бўлган тадбиркорлик субьектлари учун мўлжалланган бўлса, «Бизнесга биринчи қадам» кредити 50 млн сўмгача маблағ билан бизнес фаолиятини бошлаш ёки ривожлантириш имконини беради.
Тадбиркорлик ғоянгизни аниқ режа асосида амалга оширинг ва маҳаллангизда янги бизнес имкониятларини яратинг.