Маданият ва санъат лойиҳаларига 1,5 млрд сўмгача грант ажратиш таклиф этиляпти
Ўзбекистонда маданият ва санъат соҳасидаги лойиҳаларни давлат грантлари асосида молиялаштиришнинг янги тартиби ишлаб чиқилмоқда
Маданият ва санъат лойиҳаларига 1,5 млрд сўмгача грант ажратиш таклиф қилинмоқда
Ўзбекистонда маданият ва санъат йўналишидаги лойиҳаларни давлат грантлари ҳисобидан молиялаштиришнинг янги тартиби ишлаб чиқилмоқда. Маданият вазирининг идоравий буйруғи лойиҳасида танлов ўтказиш, ғолибларни аниқлаш ҳамда маблағ ажратиш шартлари белгиланган.
Лойиҳага мувофиқ, грант танловлари ҳар йили камида бир марта ўтказилади. Маблағлар Давлат буджетидан Маданият вазирлигига ажратилади.
Грант миқдори лойиҳа йўналишига қараб белгиланади. Жумладан:
Танловда нодавлат ташкилотлар, якка тартибдаги тадбиркорлар, ўзини ўзи банд қилган шахслар, 18 ёшга тўлган Ўзбекистон фуқаролари ва ижодий жамоалар қатнашиши мумкин. Ҳар бир талабгор фақат битта йўналиш бўйича ариза топшириши мумкин. Танловда иштирок этиш бепул бўлади.
Танловни беш босқичда ўтказиш режалаштирилган. Аввал аризалар сараланади, сўнг иштирокчилар ўз лойиҳаларини комиссия олдида ҳимоя қилади. Лойиҳалар 100 баллик тизимда баҳоланади ва камида 60 балл тўплаганлар ажратилган маблағлар доирасида молиялаштириш учун тавсия этилади.
Шунингдек, грант маблағларининг мақсадли сарфланиши назорат қилинади. Маблағдан мақсадсиз фойдаланилган ёки белгиланган натижаларга эришилмаган тақдирда, уни тўлиқ ёки тегишли қисмини қайтариш талаб қилиниши мумкин.