«Лотереядаги ютуқ ўз орзуимни амалга оширишим мумкинлигини англатади»
Эбби Уэст-Лонг ютуғини турмуш ўртоғи билан Канадага кўчиб ўтиш орзусини амалга ошириш учун ишлатишни режалаштирмоқда.
'Лотореядаги ютуқ орзуимни амалга ошира олишимни англатади'
Уайт оролида яшовчи Эбби Вест-Лонгнинг айтишича, Почта индекси лотереясидаги ютуғи унинг ҳаётини тубдан ўзгартирди
Эбби Вест-Лонг севгилиси билан Канадага кўчиб ўтиш ҳақидаги орзусини ўзгартиришга тайёрланаётган бир пайтда эшик қоқилди.
Почта индекси лотереясида 333,332 фунт стерлинг ютиб олганини билгач, хайрия ташкилоти кўнгиллиси "шунчаки йиғлаб юборганини" айтди.
Эндиликда, Уайт оролидаги Каус шаҳридан бўлган 34 ёшли аёл ўз орзуси ортидан бориши ва севгилиси Дэрил Марлоу билан Канададаги Қояли тоғларда янги ҳаёт бошлаши мумкинлигини айтмоқда.
Мисс Вест-Лонг ўз кўчасидаги 1 миллион фунт стерлинг миқдоридаги ютуқни ўзаро бўлишиб олган беш қўшнидан биридир.
Эбби Вест-Лонг ва унинг севгилиси Дэрил Марлоу ютуқларини Канадага кўчиб ўтишдек орзуларини амалга ошириш учун ишлатишни режалаштиришмоқда
Почта индекси лотереяси жамоаси сешанба куни қиймати 166,666 фунт стерлинг бўлган индивидуал чипталарни топшириш учун келди.
Аммо мисс Вест-Лонг охирги уч йилдан бери иккита чипта билан ўйнаб келаётгани сабабли, унинг соврини икки бараварга ортди.
"Улар менга қўнғироқ қилиб, фақат 'соврин' ютиб олганимни айтишди. Шунгдан сўнг бир ҳафта давомида жуда катта ҳаяжон билан эшик қоқилишини кутиб ўтирдим", деди болалар парвариши бўйича мутахассис.
"Тахминан беш йилдан бери Канадага кўчиб ўтишни хоҳлардик. Ишлаб топган пулларимиздан тежаб қолиш учун турли муддатлар белгилардик, аммо ҳаётда ҳар хил вазиятлар ва тўсиқлар пайдо бўлаверарди.
Мисс Вест-Лонг сўзида давом этди: "Биз бир неча ой олдин янги муддат белгилаб, 'агар буни уддалай олмасак, шундай бўлади ёки режаларимизни ўзгартирамиз', дегандик.
"Кейин тўғридан-тўғри бир ой ўтиб эшигим қоқилди ва бу ҳамма нарсани ўзгартириб юборди."
Уайт оролидаги Каус шаҳрида яшовчи беш қўшни ўзаро 1 миллион фунт стерлингни бўлишиб олишди
Мисс Вест-Лонг ва 39 ёшли мистер Марлоу Канададаги янги ҳаёт учун энг камида 10,000 фунт стерлинг тежашга ҳаракат қилишаётган эди ва буни 2028 йилга режалаштиришганди.
Энди уларнинг режа-жадвали олдинга сурилди ва улар олти ой ичида кўчиб ўтишга умид қилишмоқда.
У қўшимча қилди: "Орзуимиздаги кўчиш ва режамиз жуда тезлашди.
"Ўзимни туш кўраётгандек ҳис қиляпман, чунки бундай нарсалар мен билан содир бўлмасди. Одатда ёмон хабарларни кутардим.
"Биз мумкин бўлган барча орзуларни ўйлаб ўтирдик ва кейин 'эй Худойим, мен бунга лойиқ эмасман, нега бу менга берилди?' деб ўйладик."
"Биз Канадада бир неча бор бўлганмиз ва бу айнан бизга керакли жойдек туюлган. [Бу пуллар] барча эҳтиёжларимизни қоплади, бу этарлидан ҳам ортиқ."
Эбби ва Дэрил охирги беш йилдан бери Канадага кўчиб ўтишни орзу қилишмоқда
13 йилдан бери бирга бўлган жуфтлик у ерда оила қуришга умид қилишмоқда.
Мистер Марлоу қўшимча қилди: "Биз ҳозиргача оила қуриш учун ўзимиз хоҳлаган барқарорлик даражасини таъминлай олмагандик."
Соврин Канада долларида 620,000 доллардан ортиқ қийматга эга бўлгани сабабли, жуфтлик умрининг қолган қисмини яшашни тасаввур қилаётган Британ Колумбиясидан уй сотиб олишга умид қилмоқда.
"Уй, ер майдони, ит, қор кураги, машина", деди мисс Вест-Лонг.
Унинг севгилиси қўшимча қилди: "Биз хоҳлашимиз мумкин бўлган ҳамма нарса."
Эбби охирги уч йил давомида Почта индекси лотереяси учун ойига иккитадан чипта сотиб олиб келган