Кучукчага жароҳат етказган эркак етти суткалик қамоқ жазосини олди
Мушукчага жароҳат етказган эркакка етти суткалик қамоқ жазоси тайинланди
Тошкентда кўп қаватли уйнинг йўлагида мушукчага шафқатсиз муомалада бўлгани видеога тушиб қолган эркак етти суткалик маъмурий қамоқ жазосига ҳукм қилинди. Ҳодиса Шайхонтоҳур туманида юз берган ва ижтимоий тармоқларда кенг муҳокамага сабаб бўлган эди.
Тошкент шаҳар ИИББ матбуот хизматининг хабар қилишича, гумонланувчига нисбатан Маъмурий жавобгарлик тўғрисидаги кодекснинг 111-моддаси (ҳайвонларга нисбатан шафқатсиз муомалада бўлиш) бўйича маъмурий баённома тузилиб, ҳужжатлар жиноят ишлари бўйича Шайхонтоҳур туман судига юборилган.
Суд қарори билан эркакка етти суткалик маъмурий қамоқ жазоси тайинланди.
Эслатиб ўтамиз, ҳодиса ҳақида 29 октябрь куни маълум бўлган эди. Тармоқда тарқалган видеотасвирларда эркак кўп қаватли уйнинг йўлагида мушукчани полга босиб, унинг олдинги оёғини бураётгани акс этган. Кейинчалик ветеринарлар ҳайвоннинг билак суягида оғриш (дарз кетиш) борлигини аниқладилар.
30 октябрь куни Тошкент шаҳар ИИББ матбуот хизмати эркакнинг шахси аниқлангани ва ушбу факт бўйича текширув ўтказилаётганини маълум қилган эди.