Кўчани ҳам “бўш қўймаган” боғбон: Олтиариқдаги узумзордан репортаж
Узум етиштиришда олтиариқликлар анча илгарилаб кетишган. Томорқасини сархил узумлар билан тўлдирган боғбонлар энди маҳалла кўчасига ҳам сўриток ясаб ҳосил олишмоқда. Аҳмаджон ота Отаев ҳам ана шундай боғбонлардан.
Боғбоннинг кўчани ҳам "бўш қўймаган" узумзори: Олтиариқдаги репортаж
Олтиариқликлар узум етиштиришда сезиларли ютуқларга эришмоқдалар. Эндиликда улар ўз ҳовлиларини сархил узумлар билан тўлдирибгина қолмай, маҳалла кўчаларига ҳам сўритоклар ўрнатиб, ҳосил олишмоқда. Аҳмаджон ота Отаев ҳам ана шундай фидойи боғбонлардан биридир.
"Узум етиштириш биз учун ҳавас"
"Олтиариқ аҳли узумни ҳавасга экиб, ҳавасга етиштиради десам, муболаға бўлмайди. Шу кунларда Олтиариққа келсангиз, кўзингиз қувониши аниқ. Хонадон ичкарисидан ортиб, кўчаларга ҳам баланд қилиб сўритоклар ясаб, узум етиштиришга ўтдик. Мақсадимиз – ҳам гўзаллик яратиш, ҳам бўш турган ердан унумли фойдаланиш", – дейди Аҳмаджон ота.
"Томорқамиз бошдан оёқ токзор. Кўчамиз бўш турган эди, ўғлим билан маслаҳатлашиб, кўчада ҳам сўриток тайёрлаб, гўзал узумбоғ яратдик. Ризқимизга яраша меваларни сотамиз", – дея қўшимча қилди у.
Ҳозирда Аҳмаджон ота "мерс", "қора келин бармоқ", "келин бармоқ", "ҳусайни", "шоҳанак" каби узум навларини меҳр билан парвариш қилмоқда.
"Узумларни қиш фаслида ҳам сотиш учун узиб сақлаб қўямиз, қолганини сўритокнинг ўзида сотамиз. Узумларни то Наврўз байрамигача кондиционерда (махсус омборда) сақлаймиз. Меҳнат қилган кам бўлмайди. Сотилган узумнинг пулига умид билан иккита қўй олиб келдик. Худо хоҳласа, чорвани ҳам кўпайтириш ҳаракатидамиз", – дейди Аҳмаджон ота Отаев.