Косметикага рухсат керак: Ўзбекистондаги импорт қилувчилар ва ишлаб чиқарувчиларга нима талаб этилади
Ўзбекистонга парфюмерия-косметика маҳсулотларини олиб кириш ва ишлаб чиқариш фақат махсус рухсатнома олингандан кейингина мумкин. Ҳужжат беш йил давомида амал қилади, ариза эса 12 иш куни ичида кўриб чиқилади. Бу ҳақда Санитария-эпидемиологик осойишталик ва жамоат саломатлиги қўмитаси ахборот хизмати хабар бермоқда. Рухсатнома олиш қоидалари Махсус […] орқали айрим рухсат этиш хусусиятига эга ҳужжатларни бериш тартиби тўғрисидаги ягона низомга 63-иловада белгиланган.
Косметикага рухсат зарур: Ўзбекистондаги импорт қилувчилар ва ишлаб чиқарувчиларга нималар керак бўлади
Ўзбекистонга парфюмерия-косметика маҳсулотларини олиб кириш ва ишлаб чиқаришга фақат махсус рухсатнома расмийлаштирилгандан кейингина йўл қўйилади. Унинг амал қилиш муддати беш йилни ташкил этади, аризани кўриб чиқиш эса 12 иш кунини олади. Бу ҳақда Санитария-эпидемиологик осойишталик ва жамоат саломатлиги қўмитаси ахборот хизмати хабар бермоқда.
Рухсатнома олиш тартиби Махсус электрон тизим орқали айрим рухсат этиш хусусиятига эга ҳужжатларни бериш тартиб-таомиллари тўғрисидаги ягона низомга 63-иловада белгиланган. Низомнинг ўзи Вазирлар Маҳкамасининг 2022 йил 22 февралдаги 86-сонли қарори билан тасдиқланган.
Импорт қилувчиларга нима керак?
Косметикани хориждан олиб кирадиган компаниялар бир қатор ҳужжатларни йиғишлари керак.
Улар жумласига қуйидагилар киради:
- маҳсулот ўрами ёки унинг давлат тилидаги маълумотлар туширилган лойиҳаси;
- таркиби, қўлланилиш соҳаси ва фойдаланиш меъёрлари кўрсатилган хусусиятнома (спецификация);
- маҳсулот хавфсизлиги сертификати ёки уни ишлаб чиқарган мамлакатда рўйхатдан ўтказилганлиги тўғрисидаги ҳужжат;
- маҳсулотнинг токсикологик-гигиеник баҳоланиши бўйича аккредитациядан ўтган лаборатория ҳисоботи. Ҳисоботга лаборатория мажмуаси билан тузилган шартнома ва ҳисоб-фактура илова қилинади.
Бошқача айтганда, импорт қилувчилар учун учта асосий шарт сақланиб қолмоқда: товар ҳақидаги маълумотлар давлат тилида бўлиши, маҳсулот хавфсизлиги ҳужжатлар билан тасдиқланиши, маҳсулотнинг ўзи эса токсикологик-гигиеник баҳолашдан ўтиши лозим.
Ўзбекистонда фаолият юритаётган косметика ишлаб чиқарувчилари учун ҳужжатлар рўйхати кенгроқ.
Маҳсулот ўрами ёки унинг давлат тилидаги маълумотлар туширилган лойиҳаси, хусусиятнома ва аккредитациядан ўтган лаборатория ҳисоботидан ташқари, компания халқаро ёки миллий стандартларни тақдим этиши шарт.
Шунингдек, технологик йўриқнома ва рецептура ҳам талаб этилади. Ушбу ҳужжатлар Ўзбекистон Республикаси Бош давлат санитария шифокори билан келишилган бўлиши керак.