Колумбия Эрон билан дипломатик алоқаларни узди
Колумбия Эрон билан дипломатик алоқаларни узди
Колумбия 24-сентябр куни Эрон билан дипломатик муносабатларни тўхтатганини маълум қилди. Шу билан мамлакат Лотин Америкасида АҚШнинг “асосий душмани” билан алоқаларни узган навбатдаги иттифоқчига айланди, дея хабар берди Франсе 24.
7-август куни сўлчи собиқ президент Густаво Петро ўрнини эгаллаган янги ўнгчи президент Абелардо де ла Эсприелла АҚШ раҳбари Доналд Трампнинг тўлиқ қўллаб-қувватлови билан Колумбиянинг ташқи алоқаларини қайта кўриб чиқмоқда.
Де ла Эсприелла лавозимга киришишидан аввал Куба ва Никарагуадаги авторитар сўлчи ҳукуматлар билан ҳам муносабатларни узиш режасини билдирган эди. Бироқ бу режалар ҳозирча амалга ошмаган.
Ҳукумат маълумотига кўра, Эрон билан алоқаларни узиш ҳақидаги 19-сентябрдан кучга кирган қарор “яримшарнинг миллий хавфсизлиги” манфаатларидан келиб чиқиб қабул қилинган.
Колумбия томони Эрон ҳукуматини “мамлакат хавфсизлигига таҳдид солувчи наркотеррорчи гуруҳлар” билан алоқадорликда айблади, бироқ бунга оид ҳеч қандай далил келтирмади.
Шунингдек, Богота Теҳронни АҚШ ва Исроилга қарши уруш доирасида Ҳормуз бўғозида кемалар ҳаракатини тўсиб қўйгани ва Яқин Шарқдаги бошқа мамлакатларга ҳужум қилгани учун кескин танқид қилди. Шунга қарамай, Колумбия ҳукумати Терон билан консуллик муносабатлари сақланиб қолишини қўшимча қилди.
Сентябр ойи бошида Перу ҳам Эрон билан дипломатик алоқаларни узганди. Мамлакат Теҳроннинг МАГАТЕ (ИАЕА/ Атом энергияси бўйича халқаро агентлик) фаолиятига тўсқинлик қилинаётганини қоралаган.