Сиёсат
Кўксаройда Ҳиндистон бош вазирини кутиб олиш маросими ўтказилди
Тошкентдаги Кўксарой қароргоҳида давлат ташрифи билан Ўзбекистонга келган Ҳиндистон бош вазири Нарендра Модини кутиб олиш маросими бўлди.
Ҳиндистон Бош вазири Нарендра Моди Ўзбекистонга давлат ташрифи билан келиши муносабати билан Тошкентдаги Кўксарой қароргоҳида уни кутиб олиш маросими бўлиб ўтди.
Ўзбекистон Президенти Шавкат Мирзиёев олий мартабали меҳмонни илиқ кутиб олиб, шоҳсупага таклиф қилди.
Маросимда икки давлатнинг байроқлари ҳилпираб турди, фахрий қоровул саф тортди. Ўзбекистон ва Ҳиндистоннинг давлат мадҳиялари янгради.
Етакчилар фахрий қоровул сафи бўйлаб ўтиб, расмий делегациялар аъзолари билан саломлашдилар. Умумий суратга тушиш маросимидан сўнг олий даражадаги музокаралар бошланди.