Ким Чен Иннинг синглиси Шимолий Корея Бинансеъдан 6,3 млрд доллар ўғирлагани ҳақидаги айбловларни рад этди
ФҚБ Бинансеъга уюштирилган киберҳужумда Шимолий Корея ҳакерларини айбламоқда. Ким Чен Иннинг синглиси эса бу айбловларни сиёсий провокация деб атади.
Ким Чен Иннинг синглиси Шимолий Кореянинг Бинансеъдан 6,3 млрд доллар ўғирлагани ҳақидаги айбловларни инкор этди
Шимолий Корея раҳбари Ким Чен Иннинг синглиси, Корея Меҳнат партияси Марказий қўмитаси бўлим мудири Ким Ё Чжон КХДРнинг Бинансе криптобиржасига қилинган ҳакерлик ҳужумига алоқадорлиги ҳақидаги иддаоларни асоссиз деб атади. У буни АҚШ томонидан уюштирилган сиёсий провокация сифатида баҳолади.
“АҚШ Федерал қидирув бюроси (ФҚБ) ҳужумга Шимолий Корея томонидан қўллаб-қувватланадиган ҳакерлик гуруҳи алоқадорлиги ҳақида маълумот олганини айтиб, бизни кибержиноятчи давлат сифатида кўрсатишга уринмоқда. Аммо АҚШнинг бу даъволари асоссиз ва янгилик эмас”, — дейилади баёнотда.
Ким Ё Чжон бундай айбловлар илк бор илгари сурилмаётганини таъкидлади. Унинг эслатишича, ўтган йили ҳам Вашингтон Бйбит криптобиржасига қилинган ҳужум учун Шимолий Кореяни жавобгар деб ҳисоблаган. Унинг фикрича, АҚШ кибержиноятчилик баҳонасида бошқа давлатларнинг ички ишларига аралашишга уринмоқда.
Ким Ё Чжон Бинансе билан боғлиқ айбловларни нафақат сиёсий провокация, балки Шимолий Кореянинг халқаро обрўсига зарар етказишга уриниш деб ҳам атади.
“Бу Шимолий Кореянинг халқаро обрўсига путур етказиш, мамлакатимиз шаъни ва давлат нуфузини туширишга қаратилган қабиҳ уринишдир. Шунингдек, бу Шимолий Корея суверенитетининг яна бир жиддий бузилиши бўлиб, энди кибермаконга ҳам ёйилмоқда”, — деди у.
29-октябр куни Бинансе криптобиржасига уюштирилган ҳакерлик ҳужуми натижасида 6,3 миллиард долларлик криптовалюта ўғирланди. Бу криптобиржалар тарихидаги энг йирик ўғирлик бўлди. Ҳакерлар атиги 20 дақиқа ичида биржанинг интернетга уланган криптоҳамёнларидан катта миқдордаги маблағларни ечиб олган.
Аввалига Бинансе ҳакерлар компания дастурчиларидан бирининг ноутбуки орқали тизимга кирганини билдирган. Кейинроқ биржа раҳбари Ричард Тенг ҳужумчилар тизимга бошқа йўллар билан ҳам кирганини тан олди. Унинг айтишича, ҳакерлар ҳужум изларини автоматик тарзда ўчириб ташлайдиган воситалардан фойдаланган.
1-ноябрдан Бинансе маблағларни ечиб олиш имкониятини босқичма-босқич тиклашни бошлади. Дастлаб бу функсия биткоин, Этҳереум, УСДТ ва УСДС каби 15 та криптовалюта, шунингдек, АҚШ доллари каби 28 та миллий валюта учун очилди.
Биржа фойдаланувчиларнинг йўқотишларини ўз маблағлари ҳисобидан қоплашга ҳам киришди. 31-октябр куни зарарнинг 90 фоизи қоплангани, 1-ноябрда эса бу кўрсаткич 95 фоизга етгани маълум қилинди.
Ўғирланган маблағларнинг қарийб 2,84 миллиард доллари музлатиб қўйилган, бироқ ҳозирча биржага қайтарилмаган. Ўғирланган криптовалютанинг ярмидан кўпи эса ҳануз ҳакерлар назоратида қолмоқда.
АҚШ Федерал қидирув бюроси Бинансеъга ҳужум ортида Шимолий Кореянинг ТрадерТраитор ҳакерлик гуруҳи турганини маълум қилган.
Бундан аввал Чаиналйсис ва ТРМ Лабс таҳлил компаниялари ҳамда крипто соҳасидаги терговчи ЗачХБТ ҳам шу тахминни илгари сурган. Уларнинг маълумотларига кўра, ТрадерТраитор гуруҳи Бйбит ва Битгет криптобиржаларига қилинган йирик ҳужумларга ҳам алоқадор.
АҚШ президенти Доналд Трамп эса Америка ҳукумати Шимолий Кореянинг ҳужумга алоқадорлиги ҳақидаги тахминни ҳали ўрганаётганини билдирган.