Кейт Бланшетт “Калмар ўйини”нинг Америка версиясида суратга тушмайди
Кейт Бланшетт "Калмар ўйини"нинг Америка талқинида иштирок этмайди
Нетфлих стриминг платформаси режиссёр Девид Финчер томонидан "Калмар ўйини" сериали асосида яратилиши режалаштирилган лойиҳадан воз кечди. Ушбу лойиҳа сериалнинг инглиз тилидаги спин-оффи бўлиши керак эди.
2024-йил охирида ОАВ Девид Финчернинг машҳур сериалнинг спин-оффи устида ишлаётгани ҳақида хабар берган эди. Дастлаб тўлиқ метражли филм сифатида режалаштирилган лойиҳа кейинчалик "Ҳесклер" ищи номи остидаги сериалга айлантирилиши кўзда тутилган эди.
Сюжетга кўра, воқеалар Шимолий Америкада содир бўлиши, суратга олиш ишлари эса Буюк Британияда ташкил этилиши режалаштирилган эди. "Калмар ўйини"нинг якуний қисмида америкалик актриса Кейт Бланшеттнинг иштироки ҳам лойиҳага бўлган қизиқишни оширганди.
Кўпчилик унинг сериал финалидаги чиқишини ўйинларнинг АҚШда давом этишига ишора деб қабул қилган бўлса-да, лойиҳа ижодкорлари бу тахминни рад этишди. Режиссёр Девид Финчер эса Нетфлих учун бошқа лойиҳаларга, хусусан, Квентин Тарантинонинг "Бир пайтлар Голливудда" картинасининг давоми ҳисобланган "Клифф Батнинг саргузаштлари" филмига эътибор қаратди.