Катаракта: кенг тарқалган кўз касаллигининг 7 белгиси
Катаракта: Кенг Тарқалган Кўз Касаллигининг 7 Аломати
Катаракта – бу кўз гавҳарининг хиралашиши бўлиб, 40 ёшдан ошган инсонларда кўрликнинг асосий сабабларидан бири ҳисобланади. Касаллик бошланганда кўз линзасида кичик хира доғлар пайдо бўлади ва вақт ўтиши билан кўриш қобилияти бутунлай йўқолиши мумкин. Катарактанинг энг мураккаб жиҳати шундаки, у дастлабки босқичларда ҳеч қандай аломат бермайди. Кўпинча беморлар касаллик жиддий тус олиб, кўришга халақит бера бошлагандагина шифокорга мурожаат қилишади. Кўз саломатлигини ва сифатли кўришни сақлаб қолиш учун катарактанинг дастлабки белгиларидан хабардор бўлиш муҳимдир.
**1. Жисмларнинг лойқа кўриниши**
Катаракта ривожланишининг иккита асосий белгиси – кўришнинг пасайиши ва кўрилаётган жисмларнинг хиралашуви. Агар атрофингиздаги дунё тобора кўпроқ тасаввурга асосланган расмларга ўхшаб қолса, шифокорга мурожаат қилиш вақти келган. Ривожланаётган катаракта туфайли кўздаги ёруғликни акс эттиришга ёрдам берадиган обьект тобора булутли, хиралашган ва лойқалангандек кўринади.
**2. Рангларни ажратишда қийинчилик**
Касаллик ривожланишининг яна бир аломати шундаки, бемор рангларни фарқлашда тобора қийинчиликларга дуч келади. Оқ ранг бироз сарғиш, қаймоқранг эса кулранг каби кўриниши мумкин. Энг ачинарлиси, бу жараён аста-секин содир бўлади, шунинг учун рангларни идрок этишдаги ўзгаришларни ўз-ўзидан сезиш жуда қийин. Агар рангларни ажрата олмаслик яққол намоён бўлаётган бўлса, дарҳол офталмолог билан боғланиш зарур.
**3. Нурга нисбатан сезгирликнинг ошиши**
Ривожланаётган катарактанинг кенг тарқалган ва тез-тез учрайдиган аломати – нурга сезгирликнинг ошиши. Бу касаллик даврида ёрқин лампалар ҳақиқий душманга айланади ва одатдаги ёруғлик даражаси ҳам жуда ёрқин ва ҳатто оғриқли бўлиши мумкин. Агар ёруғлик туфайли инсон ўзини ноқулай ҳис қила бошласа, зудлик билан шифокор кўригидан ўтиш тавсия этилади.
**4. Автомобилни тунда бошқаришда қийинчилик пайдо бўлиши**
Ҳайдовчилар катарактанинг дастлабки босқичларидаёқ уни сезиш имконига эга. Бунинг учун кечаси машина бошқаруви билан боғлиқ бўлган қийинчиликларга эътибор қаратиш кифоя. Бош оғриғи, машина фаралари туфайли кўзда пайдо бўладиган оғриқ, тунда йўл белгиларини кўришдаги қийинчиликлар – буларнинг барчаси тезроқ шифокорга мурожаат қилиш учун сабабдир.
**5. Майда ёзувларни ўқий олмаслик**
Инсон ёши ўтган сайин, кўпроқ эҳтиёткорликни талаб этади. Узоқни кўра олмаслик кенг тарқалган муаммолардан бири бўлиб, 50 ёшдан ошган одамларнинг аксарияти бунга дуч келади. Аммо китоб ва журналлардаги кичик шрифтли ёзувларни ўқишда ҳам қийинчилик пайдо бўлса, бу катарактанинг ривожланиши сабаби бўлиши мумкин. Кўз линзаси сув ва оқсилдан иборат бўлиб, катаракта оқсилни жойидан силжишига олиб келади ва шу туфайли кичик ўлчамдаги ёзув ва белгиларни кўриш қийинлашади.
**6. Икки томонлама кўриш**
Ривожланаётган катарактанинг яна бир белгиси – икки томонлама кўриш. Кўз линзаларида қанчалик кўп хиралашув ва булут пайдо бўлса, у орқали ўтадиган ёруғлик шунчалик бузилади. Натижада кўринаётган тасвир бир неча маротаба ўзгаргандек туюлади. Шунинг учун икки томонлама кўриш ҳолати кузатилса, шифокорга мурожаат қилиш керак.
**7. Кўришнинг кескин яхшиланиши**
Узоқни яхши кўролмайдиган беморларда кўриш қобилиятининг кескин яхшиланиши катарактанинг яна бир аломатидир. Афсуски, бу яхшиланиш жуда тез ўтиб кетади, аммо касаллик ривожланишда давом этади. Шунинг учун кўз билан боғлиқ муаммо сезилган заҳоти шифокор билан маслаҳатлашиш керак. Шунингдек, йилда бир маротаба бўлса ҳам кўрикдан ўтиш тавсия этилади.