Сиёсат
Каспий денгизи орқали — янги бозорларга
«Марказий Осиё + Озарбайжон» форматининг ривожланиши, Ўрта йўлак ҳамда Каспий орқали савдо, инвестициялар ва Европа бозорларига чиқиш учун янги имкониятлар ҳақидаги материал.
Каспий денгизи орқали — янги бозорларга
31 июль куни Ўзбекистон президенти Шавкат Мирзиёев Қирғизистон Республикасининг Чўлпон-ота шаҳрида бўлиб ўтган Марказий Осиё ва Озарбайжон давлат раҳбарларининг норасмий учрашувида иштирок этди. Давлатимиз раҳбари таъкидлаганидек, Озарбайжоннинг Маслаҳат учрашувлари форматига қўшилиши мамлакатлар ўртасидаги ҳамкорликни сифат жиҳатидан янги — макроҳудудий даражага олиб чиқади. Сўнгги йилларда Марказий Осиё халқаро ҳамкорликда тобора кўпроқ ягона минтақа сифатида намоён бўлмоқда.