Каналга тушган машинадаги икки фуқаро қутқариб қолинди
Тошкент вилоятининг Ўрта Чирчиқ туманида ЙПХ ходими йўл-транспорт ҳодисасидан сўнг каналга тушиб кетган автомобил ичидаги икки фуқарони қутқаришда ёрдам берди. Капитан Отабек Ҳакимов сувга тушиб, фуқаролардан бирини қирғоққа олиб чиққан. Кўрсатилган тезкор ёрдам натижасида икки кишининг ҳаёти сақлаб қолинган.
Каналга тушиб кетган автомобилдаги икки фуқаро қутқариб қолинди
Тошкент вилояти ИИББ ЙҲХБ ходими, капитан Отабек Ҳакимов Ўрта Чирчиқ туманида хизмат вазифасини бажараётган пайтда йўл-транспорт ҳодисаси сабаб автомобил каналга тушиб кетганини кўрган.
Машина ичида бўлган икки фуқаро чўкиб кетиш хавфи остида қолган.
Маълум қилинишича, ЙПХ ходими вазиятнинг хавфли эканига қарамай, дарҳол сувга тушган ва фуқаролардан бирини канал қирғоғига олиб чиқишга муваффақ бўлган.
Тезкор кўрсатилган ёрдам туфайли автомобил ичидаги икки фуқаронинг ҳаёти сақлаб қолинган.
Жабрланганларга воқеа жойида биринчи тиббий ёрдам кўрсатилган, кейин улар шифохонага етказилган.
Капитан Отабек Ҳакимовнинг ҳаракатлари ички ишлар органлари томонидан эътироф этилди. У хизмат вақтида кўрсатган жасорати учун пул мукофоти ва эсдалик совғаси билан рағбатлантирилди.