Канада ҳарбий базасида ҳалокатли ёнғин юз берди
Мудофаа вазири Девид Макгинти Бош вазир "жиддий ҳодиса" деб атаган воқеада талофатлар борлигини айтди.
Канададаги ҳарбий базада ҳалокатли ёнғин чиқди
Мудофаа вазири Дэвид Макгинти талофат кўрганлар борлигини айтди, аммо батафсил маълумот бермади
Канада мудофаа вазирининг маълум қилишича, Альбертадаги Канада ҳарбий базаси яқинида содир бўлган йирик ёнғин оқибатида баъзи одамлар ҳалок бўлган ва жароҳат олган, аммо у қурбонлар сонини тасдиқламади.
Канада Қуролли Кучлари маҳаллий ҳокимият органлари билан биргаликда ёнғинни бартараф этиш устида ишламоқда ва унинг келиб чиқиш сабабларини ўрганмоқда, деди вазиятни "жуда, жуда фаол ва нозик" деб таърифлаган Дэвид Макгинти.
Канада Бош вазири Марк Карни X ижтимоий тармоғида "йирик ёнғинга олиб келган жиддий ҳодиса" содир бўлганини айтди ва "хаёли ва хайрихоҳлиги бундан жабр кўрган барча довюрак аёллар ва эркаклар билан" эканини қўшимча қилди.
Ёнғин бошланган Канада Кучларининг Уэйнрайт базаси мамлакатдаги энг гавжум ҳарбий ўқув базаларидан биридир.
Уэйнрайт муниципал округининг маълум қилишича, олов "кучли шамол туфайли тезда тарқалган" ва база деворларини ёриб ўтган.
Макгинти журналистларга "яқин орада бундай ҳодиса содир бўлганини эслай олмаслигини" айтди.
Ёнғин қачон бошлангани аниқ эмас, аммо округ маъмурияти ушбу ҳодиса ҳақида илк бор маҳаллий вақт билан соат 17:30 атрофида хабар жойлаштирган.
Маҳаллий ҳокимият органлари аҳолига ҳудуддан узоқроқ туришни ва барча фавқулодда вазиятлар транспорт воситаларига йўл беришни топширди.