Камроқ майдонда кўпроқ машина. Тошкентда янги кўп қаватли автотураргоҳ синовдан ўтказилмоқда. Видео

Камроқ майдонда кўпроқ машина. Тошкентда янги кўп қаватли автотураргоҳ синовдан ўтказилмоқда. Видео

Тошкентнинг Олмазор туманида автоматлаштирилган кўп қаватли автотураргоҳнинг илк намунаси ўрнатилди. Бундай конструкцияда автомобиллар бир неча ярусда жойлаштирилади, бу эса чекланган ҳудудда тўхтаб туриш жойлари сонини кўпайтириш имконини беради.

Йўл ҳаракатини ташкил этиш марказидан маълум қилишларича, автотураргоҳ пилот лойиҳа доирасида «Кичкирик» маҳалласида ўрнатилган. Ҳозирда ЙҲТМ мутахассислари бундай формат пойтахт шароитида қанчалик қулай ва самарали эканини баҳоламоқда.

Конструкция автомобилларни вертикал жойлаштириш ҳисобига ишлайди: машиналар турли даражаларда жойлаштирилади, бунинг эвазига нисбатан кичик майдонда кўпроқ транспорт воситасини жойлаштириш мумкин.

Синов натижаларига кўра, мутахассислар Тошкентда бундай автотураргоҳлардан келгусида фойдаланиш мумкинлигини аниқлайдилар. Агар натижалар ижобий бўлса, мавжуд инфратузилма ва шаҳарсозлик шароитларини ҳисобга олган ҳолда пойтахтнинг бошқа ҳудудларида ҳам шу каби конструкциялар пайдо бўлиши мумкин.

Янги формат, жумладан, шаҳарда тўхтаб туриш жойлари тақчиллиги муаммосини ҳал қилиш вариантларидан бири сифатида кўриб чиқилмоқда.

Лойиҳа президент Шавкат Мирзиёевга унинг бугунги Олмазор туманига ташрифи чоғида тақдим этилиши кутилмоқда.

Баҳорда Тошкентда автотураргоҳларни бошқаришнинг ягона тизимини яратиш бўйича пилот лойиҳа бошланган эди. У савдо марказлари ва хизмат кўрсатиш объектлари яқинидаги тўхтаб туриш жойларини умумий тармоққа бирлаштириши керак.