“Калмар ўйини”ни ҳам ортда қолдирди: 8,5 рейтингли дорама беш кун ичида Нетфлих топига кирди

“Калмар ўйини”ни ҳам ортда қолдирди: 8,5 рейтингли дорама беш кун ичида Нетфлих топига кирди

Дорама жами саккиз қисмдан иборат бўлиб, ИМДбъда 8,5 рейтингга эга (“Кинопоиск”да ҳам худди шунча). Экранларга чиққач, у бир неча кун ичида бирданига ўнлаб мамлакатларда Нетфлих топига киришга улгурди.

Сериалнинг премьераси ҳам чинакам шов-шувга сабаб бўлди. Фақат 5 кун ичида у ҳатто “Калмар ўйини”нинг иккинчи мавсумини ҳам ортда қолдириб, Нетфлихънинг глобал рейтингида иккинчи поғонага кўтарилди.

Бош қаҳрамон — травматология марказининг ишини тубдан ўзгартиришга қарор қилган тажрибали жарроҳ. Тинч шифохона ҳаёти ўрнига уни оғир беморлар, маблағ танқислиги ва ҳамкасбларининг қаршилиги кутади.

Сюжет отоларинголог шифокор ёзган машҳур романга асосланган. Шу боис бу ерда тиббиёт севги чизиғи учун оддий безак эмас, балки ҳикоянинг ўзаги ҳисобланади.

Томошабинлар ўз таассуротларини ҳам улашган: “Дорама бир нафасда кўрилади, финали иккинчи мавсумга ишора қилмоқда”, “Корейслардан бундай нарсани кутмагандим, тўлақонли Голливуд лойиҳаси”, “Саккиз қисм қандай ўтиб кетганини ҳатто сезмай қолдим”, “Дорама жуда ажойиб ва динамик, ҳазил ҳамда драма ўртасидаги мувозанат сақланган”.

Сериалда одатий романтика деярли йўқ. Шифокорлар тинимсиз у ёқдан бу ёққа югуришади, беморлар бирин-кетин олиб келинади, қарорларни эса сониялар ичида қабул қилишга тўғри келади.