Калифорнияда дунёнинг рекордчи самолёти яна ҳавога кўтарилди
Дунёда қанотлари қулочи энг катта бўлган Рос самолёти беш ойлик танаффусдан сўнг Калифорнияда иккита машғулот парвозини амалга оширди. Икки фюзеляжли бу аппарат йирик тажриба қурилмаларини ҳаводан учириш учун яратилган.
Калифорнияда рекордчи самолёт яна осмонга кўтарилди
Стратолаунч компаниясига тегишли Рос самолётининг қанотлари қулочи 117 метрни ташкил этади. Бу ҳозиргача яратилган барча самолётлар орасидаги энг катта кўрсаткич ҳисобланади. Аппарат Н351СЛ рақами билан рўйхатдан ўтказилган.
АирНав Радар хизмати берган маълумотга кўра, самолёт 2-октабр куни иккита қисқа парвозни амалга оширган. Иккаласи ҳам Мохаве аерокосмик порти яқинида бўлиб ўтган. Иккинчи парвоз чоғида Рос аеропорт атрофида бир неча марта айланган.
Рос оддий юк ташувчи самолёт сифатида эмас, балки йирик экспериментал аппаратларни белгиланган баландликка олиб чиқиб, ҳаводан учириш платформаси сифатида ишлаб чиқилган. У бошқа фойдали юкларни ташиш учун ҳам мўлжалланган.
Стратолаунч ҳаводан учириш флотини кенгайтирмоқда
Компания бу вазифалар учун фақат Рос билан чекланиб қолмаяпти. У аввал Виргин Орбитъга тегишли бўлган Боеинг 747-400 самолётини ҳам сотиб олган.
«Мохаве руҳи» — Спирит оф Можаве деб номланган ушбу самолёт Талон тажриба аппаратларини ташиш учун қайта жиҳозланган. Боеинг 747 Росъга қараганда кўпроқ аеропортларда ишлай олади. Бу гипертовушли аппаратлар синовларини турли жойларда ўтказиш имконини кенгайтиради.
Сентабр ойида Стратолаунч яна бир йирик самолёт — Боеинг 777-200ЭР харид қилинганини эълон қилган. Уни ҳам экспериментал аппаратларни ҳаводан учириш платформасига айлантириш режалаштирилган.
Боеинг 777ъдан фойдаланишни 2027-йилда бошлаш кутилмоқда. Компания ҳисоб-китобига кўра, бу самолётнинг қўшилиши парвоз синовларини ўтказиш имкониятларини тахминан 35 фоизга оширади. Стратолаунч буни гипертовушли технологияларни синашга бўлган талаб ортиб бораётгани билан изоҳламоқда.