Жоли, Скорсезе ва бошқа юлдузларнинг шахсий маълумотлари интернетга тарқалиб кетди

**Жоли, Скорсезе ва бошқа машҳурларнинг шахсий маълумотлари интернетга сизиб чиқди**

Киберхавфсизлик бўйича эксперт Жереми Фаулернинг маълум қилишича, Голливуд юлдузларининг шахсий маълумотлари интернетда ошкор бўлган. Бу ҳақда Тҳе Сун нашри хабар берди.

Жереми Фаулернинг сўзларига кўра, машҳурларнинг телефон рақамлари ва электрон почта манзиллари тармоқда пайдо бўлган. Унинг таъкидлашича, Анжелина Жоли, Шерон Стоун, Роберт Де Ниро, Жорж Лукас, Денни Бойл, Майкл Дуглас, Рами Малек, Нил Патрик Харрис ва Мартин Скорсезе киберҳужум қурбонига айланган.

Санъаткорларнинг шахсий маълумотлари 2002-йилда Роберт Де Ниро томонидан ташкил этилган Ню-Ёркдаги ҳар йиллик “Трибеса” кинофестивалига оид 666 369 та ёзув орасидан топилган.

Фаулернинг айтишича, "энг қизиғи, электрон хатлар асосида уларнинг қурилмалари ҳақидаги маълумотлар сақланган жилднинг мавжудлиги. Унда юлдузлар иПҳонеънинг қайси версиясидан фойдаланиши, Сафари браузерини ишлатиш-ишлатмаслиги кўрсатилган. Бу кибержиноятчиларга кўплаб қўшимча маълумотларни тақдим этиши мумкин эди".

Унинг алоҳида таъкидлашича, алоқа маълумотларининг "асосий қисми" машҳурларнинг ўзларига эмас, балки уларнинг менежерлари ва агентларига тегишли бўлган.

Фестивал вакиллари ҳозирда тергов олиб бормоқда. Машҳурларнинг ўзлари эса бу маълумот юзасидан ҳозирча ҳеч қандай изоҳ бермади.