Жефф Безос “Ливерпул” клубининг 30 фоиз улушини сотиб олди — ОАВ
Жефф Безос "Ливерпул" клубининг 30 фоиз улушини сотиб олди – ОАВ хабари
Амазон асосчиси ва дунёнинг энг бадавлат шахсларидан бири Жефф Безос "Ливерпул" футбол клубининг қарийб 30 фоиз улушига эгалик қилди. Ушбу битим пўлат магнати Лакшми Митталнинг куёви Амит Бҳатия бощилигидаги консорсиум орқали амалга оширилган. Клубнинг ҳозирги эгаси Фенвай Спорц Гроуп (ФСГ) ушбу улушни сотиш бўйича "якуний келишув"га эришилганини тасдиқлади.
Келишув Амит Бҳатия раҳбарлигидаги инвесторлар гуруҳи томонидан амалга оширилган. Бҳатия, пўлат магнати Лакшми Митталнинг куёви бўлиб, илгари "Куинс Парк Рейнжерс" клубининг аксиядори бўлган. Янги келишувга кўра, Бҳатия "Ливерпул" вице-раиси лавозимини эгаллайди.
Ушбу битим натижасида "Ливерпул"нинг умумий қиймати тахминан 7 миллиард долларга баҳоланган. Форбес маълумотларига кўра, Безоснинг шахсий бойлиги 280 миллиард доллардан ошади. Бу унинг спорт клубига киритган илк инвестицияси ҳисобланади.
Шу билан бирга, "Ливерпул"нинг амалдаги асосий эгаси Фенвай Спорц Гроуп (ФСГ) клубдаги назорат пакетини ва операцион бошқарувни ўзида сақлаб қолади. Безос эса клуб бошқарувида оператив лавозимни эгалламайди.
Келишув келажакда Безос қўллаб-қувватлаётган консорсиумга "Ливерпул"даги улушини ошириш имкониятини ҳам беради. Бироқ, бу келажакда клубнинг назорат пакетини сотиб олиш кафолатланганини англатмайди.
"Ливерпул" раҳбарияти янги инвестиция клубнинг трансфер сиёсатига таъсир қилмаслигини маълум қилди. Консорсиумнинг сармояси учун алоҳида трансфер буджети ажратилмайди. Трансферлар бўйича қарорлар аввалгидек клубнинг спорт йўналиши ва молиявий барқарорлик тамойиллари асосида қабул қилинади.
ФСГ президенти Майк Гордон келишув клубнинг узоқ муддатли ривожланиш стратегиясига мос келишини таъкидлади. "Уларнинг тажрибаси ва қарашлари клубда аллақачон яратилган мустаҳкам пойдеворни тўлдиради. Биз улар билан ҳамкорлик қилишни интиқлик билан кутмоқдамиз", деди Гордон.
Таъкидланишича, Безоснинг "Ливерпул"даги иштироки унинг спорт соҳасидаги илк йирик инвестицияси бўлди.
Маълумот учун, Бҳатия 46 ёшли британиялик-ҳиндистонлик тадбиркор бўлиб, инвестиция банки соҳасида тажрибага эга. У ҳозирда технология, медиа, кўчмас мулк, чакана савдо ва соғлиқни сақлаш каби турли соҳаларга инвестиция киритувчи АйБе Сапитал кўп йўналишли инвестиция фирмасини бошқаради. Бҳатия ҳиндистонлик миллиардер Лакшми Митталнинг қизи Ваниша Миттал Бҳатияга уйланган. Безос эса дунёдаги энг машҳур бизнесменлардан бири ва 1994-йилда Сиетлдаги гаражида ташкил этган электрон тижорат гиганти — Амазон эгасидир. Унинг бошқа инвестициялари қаторига аерокосмик компания Блуе Оригин ва Наш Ҳолдингс венчур капитал фирмаси киради. Наш Ҳолдингс "Тҳе Вашингтон Пост" газетасининг эгаси ҳисобланади.