Жавоҳир Синдаров Сент-Луисдаги Clutch Chess: Champions Showdown мусобақасида ғолиб чиқди
Ўзбекистонлик гроссмейстер Жавоҳир Синдаров Сент-Луисда (Миссури штати) ўтказилган Clutch Chess: Champions Showdown турнирида 20,5 очко жамғариб, дунёнинг энг етакчи шахматчилари иштирок этган мусобақада ғолибликни қўлга киритди.
Жавоҳир Синдоров Сент-Луисда бўлиб ўтган Clutch Chess: Champions Showdown турнирида ғалаба қозонди.
Синдоров ўзининг энг яқин таъқибчиси — 19 очко жамғарган ҳиндистонлик гроссмейстер Рамешбабу Прагнанандҳадан 1,5 очко ўзиб кетди. Амeрикалик гроссмейстерлар Фабиано Каруана ва Ҳикару Накамура мос равишда 16,5 ва 12 очко билан учинчи ва тўртинчи ўринларни эгаллашди.
Уч кун давом этган мусобақада тўрт нафар элита шахматчиси иштирок этди ва Синдоров чемпионлик унвонини қўлга киритиш учун бутун турнир давомида пешқадамликни сақлаб қолди.
Турнирнинг умумий мукофот жамғармаси 425 000 долларни ташкил этди. Синдоров биринчи ўринни эгаллагани учун 125 000 доллар ишлаб топди. Алоҳида ўйинлардаги ғалабалар учун қўшимча пул бонуслари ва чемпион учун джекпот кўзда тутилган эди. Ушбу рағбатлантиришларни инобатга олганда, унинг умумий мукофот пули 168 000 долларни ташкил этди.
Clutch Chess: Champions Showdown турнири Синдоров учун амалдаги жаҳон чемпиони Гукеш Доммаражуга қарши бўлиб ўтадиган бўлажак ўйин олдидан охирги мусобақа бўлди.