Жаҳон адабиёти: ҳаётда ҳеч бўлмаса бир марта ўқиш керак бўлган 20 та китоб (ИИИ қисм)

**Жаҳон адабиёти: Ҳаётда ҳеч бўлмаганда бир марта ўқиш шарт бўлган 20 та китоб (ИИИ қисм)**

Жаҳон адабиётида маданиятга чуқур таъсир кўрсатган, бутун бошли адабий йўналишларни шакллантирган ва ҳанузгача янги ўқувчиларни топаётган ўнлаб асарлар мавжуд. Тўпламнинг аввалги икки қисмида биз ўқилиши зарур бўлган 40 та китобни жамлаган эдик. Учинчи қисмда эса ўқиш учун мўлжалланган рўйхатингизга қўшишга арзийдиган яна 20 та асар жой олган.

**Жаҳон адабиёти: Ҳар бир инсон ҳаётида камида бир марта ўқиши шарт бўлган 20 та китоб (И қисм)**

**“Дон Кихот” — Мигел де Сервантес**

Дайди рицар ва унинг содиқ ҳамроҳи Санчо Пансанинг саргузаштлари ҳақидаги бу роман бир вақтнинг ўзида рицарлик ҳикояларига пародия бўлиб, орзулар, воқелик ва инсон тасаввури ҳақида чуқур мулоҳазалар юритади.

**“Анна Каренина” — Лев Толстой**

Муҳаббат, оила ва ижтимоий хурофотлар ҳақидаги ушбу роман Анна Каренинанинг фожиаси орқали инсон танлови ва бахт излаш ҳақидаги энг машҳур асарлардан бири бўлиб қолмоқда.

**“Ака-ука Карамазовлар” — Фёдор Достоевский**

Эътиқод, эркинлик, масъулият ва бир оила аъзолари ўртасидаги мураккаб муносабатлар ҳақидаги фалсафий роман.

**“Бовари хоним” — Гюстав Флобер**

Катта муҳаббат ва гўзал ҳаётни орзу қилган, аммо воқеликда ҳафсаласи пир бўлган Эмма Бовари ҳақидаги ҳикоя.

**“Бўронли довон” — Эмили Бронте**

Инглиз адабиёти классикасига айланган севги, эҳтирос, қасос ва вайронкор инсоний туйғулар ҳақидаги қайғули ҳикоя.

**“Ой ва чақа” — Уилям Сомерсет Моем**

Хиёнат, муносабатлардаги инқироз ва ўз қарорлари учун масъулиятни ўрганаётган инсоннинг ички юксалиши ҳақидаги роман.

**“Моби Дик ёки Оқ кит” — Ҳерман Мелвилл**

Улкан оқ китдан қасос олиш ғоясига берилиб қолган капитан Аҳабнинг кенг қамровли ҳикояси. Саргузашт сюжети васваса, тақдир ва инсон табиати ҳақидаги мулоҳазаларга айланади.

**“Улисс” — Жеймс Жойс**

Модернизмнинг асосий романларидан бири бўлиб, унда Дублин аҳолиси ҳаётининг бир куни ҳақида ҳикоя қилинади. Китоб ўзининг ғайриоддий тузилиши ва тил билан боғлиқ тажрибалари билан машҳур.

**“Кичкина хонимлар” — Луиза Мей Олкотт**

Вояга етиб, келажакни орзу қиладиган, муҳаббат, йўқотишлар ва ҳаёт синовларини бошдан кечирадиган тўрт опа-сингил ҳақидаги ҳикоя.

**“Алиса мўжизалар мамлакатида” — Люис Керролл**

Мантиқнинг одатий қонунлари ишламайдиган оламга тушиб қолган қизалоқ ҳақидаги машҳур эртак. Китоб турли ёшдаги ўқувчилар учун ҳамон қизиқарли.

**“Дориан Грейнинг портрети” — Оскар Уайлд**

Ўзининг ўрнига портрети қариб бораётгани туфайли ташқи ёшлигини сақлаб қолган йигит ҳақидаги ҳикоя. Роман гўзаллик, ахлоқ, истаклар ва танлов оқибатларини тадқиқ этади.

**“Дракула” — Брем Стокер**

Оммавий маданиятда вампирнинг замонавий образини шакллантирган роман. Граф Дракула ҳикояси мистика, готик муҳит ва инсоннинг номаълум нарсага қарши курашини ўзида мужассам этган.

**“Алкимёгар” — Пауло Коелё**

Хазина излаб йўлга чиққан чўпон Сантяго ҳақидаги фалсафий ҳикоя. Роман орзулар, тақдир ва ўз йўлингдан бориш учун жасорат ҳақида сўзлайди.

**“Мени қўйиб юборма” — Кадзуо Исигуро**

Ўз тақдирлари ҳақидаги ҳақиқатни аста-секин билиб оладиган уч дўст ҳақидаги антиутопик роман. Китоб инсонийлик, севги, хотира ва эркинлик ҳақида ўйлашга мажбур қилади.

**“Йўл” — Кормак Маккарти**

Вайрон бўлган дунёда омон қолишга уринаётган ота ва ўғилнинг ҳикояси. Фалокат қаршисида муҳаббат, умид ва инсонийликни сақлаб қолиш ҳақидаги ғамгин роман.

**“Китоб ўғриси” — Маркус Зусак**

Иккинчи жаҳон уруши даврида Германияда яшаб, китоблардан нажот топган қизалоқ Лизел ҳақидаги ҳикоя. Роман сўз кучи, дўстлик ва инсонийлик ҳақида ҳикоя қилади.

**“Шантарам” — Грегори Девид Роберц**

Австралия қамоқхонасидан қочиб, Ҳиндистонга бориб қолган инсон ҳақидаги саргузашт роман. Асар саёҳат, дўстлик, севги, жиноят ва ўзликни англашни ўзида бирлаштиради.

**“Инсоннинг маъно излаши” — Виктор Франкл**

Муаллифнинг хотиралари ва унинг инсон руҳияти ҳақидаги мулоҳазаларини бирлаштирган китоб. Асосий мавзу — инсоннинг энг оғир шароитларда ҳам маъно топиш ва ички эркинликни сақлаб қолиш қобилияти.

**“Асрни қаритган кун” — Чингиз Айтматов**

Чингиз Айтматовнинг инсон хотираси, садоқати ва ҳаётнинг мазмуни ҳақида ҳикоя қилувчи машҳур романи. Асарда Эдигей исмли темирйўл ищисининг дўсти Қозонгапни дафн этиш учун узоқ сафарга чиқиши ва шу жараёнда ўтмиш воқеаларини эслаши тасвирланади. Роман инсонийлик, миллий қадриятлар, тарихий хотира ва замонавий тараққиёт ўртасидаги зиддиятларни ёритади.

**“Молхона” — Жорж Оруелл**

Жорж Оруеллнинг жамият, ҳокимият ва сиёсий тузумлар ҳақида ёзилган машҳур аллегорик асари. Унда ҳайвонлар хўжайинига қарши қўзғалиб, тенглик асосида янги ҳаёт қуришга уринади, бироқ ҳокимиятни қўлга олган чўчқалар аста-секин ўзлари қарши чиққан золимларга айланади. Асар ҳокимиятнинг инсонни бузиши, ёлғон тарғибот ва тенглик шиорларидан фойдаланиб халқни бошқариш хавфини кўрсатади.

**Жаҳон классикаси: Ҳаётда ҳеч бўлмаганда бир марта ўқиш керак бўлган китоблар (ИИ қисм)**