Жагуар ўз тарихидаги энг қувватли Тйпе 01 электромобилини тақдим этди
Жагуар Тйпе 01 деб номланган янги фастбек умумий қуввати 1030 от кучига тенг учта электромотор билан жиҳозланди.
Жагуар ўз тарихидаги энг кучли Тйпе 01 электромобилини намойиш этди
Британиянинг Жагуар компанияси Тйпе 01 серияли электромобилини тақдим қилди. Янги модел Британия бренди тарихидаги энг қудратли автомобилга айланди ва у келаси йили сотувга чиқади.
Янги автомобил Тйпе 00 консепсиясининг серияли талқини бўлиб, унинг дизайни автомобил ихлосмандлари ва мутахассислари орасида турлича баҳоланган эди. Модел узун капот, ингичка диодли оптика, шаффоф том, чўзилган орқа осма, бўртма спойлер ҳамда 23 дюймли ғилдирак дискларига эга. Бироқ икки эшикли прототипдан фарқли равишда, серияли фастбек тўрт эшикли гран-туризмо кўринишида ишлаб чиқилди.
Янги моделда одатий радиатор панжараси ўрнини горизонтал чизиқли қоплама эгаллаган. Шу билан бирга, электромобилнинг орқа ойнаси йўқ. Бундай ечим аввал Аватр 12 ва Полестар 4 моделларида ҳам қўлланган эди. Аеродинамик қаршилик коеффициенти 0,23 ни ташкил этади. Бу Жагуар автомобиллари учун рекорд кўрсаткичдир.
Интерьернинг асосий ўзига хослиги бутун салон бўйлаб чўзилган ва уни алоҳида ҳудудларга ажратиб турувчи узун марказий консол бўлди. Унда анъанавий тугмалар йўқ. Автомобилнинг асосий функсиялари ва тизимларини 7 дюймли экран ҳамда рул чамбарагидаги сенсорли панеллар орқали бошқариш мумкин.
Шу билан бирга, Жагуар Тйпе 01 моделида мултимедиа тизими экрани йўқ. Барча зарур кўрсаткичлар, жумладан навигация маълумотлари диагонали 24 дюйм бўлган улкан рақамли асбоблар панелида акс этади. Яна бир экран эса рақамли орқа кўриниш кўзгуси вазифасини бажаради, унга тасвир томга ўрнатилган камера орқали узатилади.
Тйпе 01 850 волтли архитектурага асосланган янги Жагуар Элестрис Арчитестуре (ЖЕА) платформасида ишлаб чиқилган. Автомобил умумий қуввати 1030 от кучи ва 1365 Н·м айланма лаҳзага эга учта электромотор билан жиҳозланган. Машина 100 км/соат тезликка бор-йўғи 3,2 сонияда эришади. Электромобилнинг бир қувватланишдаги юриш захираси 720 км ни ташкил қилади. Батарея қувватини 10 фоиздан 80 фоизгача 22 дақиқада тўлдириш мумкин.
Янги моделга буюртмалар қабул қилиш 2027-йилда бошланади. Автомобилларни харидорларга дастлабки етказиб бериш эса келаси йилнинг иккинчи ярмига режалаштирилган. Моделнинг Буюк Британиядаги нархи 130 минг фунт стерлингдан (2026-йил 7-октабр ҳолатига кўра тахминан 2 миллиард сўм) бошланади.