Италияда конслагердан омон қолган энг кекса эркак вафот этди
Италияда конслагердан омон қолган энг кекса эркак ҳаётдан кўз юмди
Италиядаги энг кекса эркак Витантонио Ловалло 112 ёшида вафот этди.
Ловалло Базиликата минтақасидаги Авиляно коммунасига қарашли кичик Сарнелли қишлоғида яшарди. 25-март куни у 112 ёшга тўлганди. Ўша пайтда коммуна маъмурияти унга кўп йиллик меҳнати ва қишлоқ жамоаси олдидаги хизматлари учун миннатдорлик белгиси сифатида эсдалик лавҳа топширган эди.
Витантонио Ловалло 1914-йилда туғилган. Ёшлигида у чўпонлик қилган. Иккинчи жаҳон уруши даврида ҳарбий хизматга чақирилган ва 1943-йилда Грецияда асирга олинган. Кейин у Германиядаги конслагерлардан бирига юборилиб, 1945-йил 8-майгача у ерда сақланган.
Уруш тугагач, Ловалло Базиликатага қайтган.
Ловаллонинг дафн маросими 17-сентябр куни бўлиб ўтди. Уни икки қизи ва бир ўғли сўнгги йўлга кузатди.