Истанбул — Фарғона рейсининг 100 га яқин йўловчи бажожи Туркияда қолиб кетди. Видео

Истанбул — Фарғона йўналишидаги рейс йўловчиларининг 100 га яқин юки Туркияда қолиб кетди. Видео

Centrum Air авиакомпаниясининг Истанбулдан Фарғонага учган рейси йўловчилари юкининг бир қисми ҳаво кемасининг юкланишига қўйилган чекловлар туфайли бортга юкланмаган. Авиакомпания ушбу кечикишни тушунтириб, юкларни 5 октябрь куни кечқурун Фарғона аэропортига етказиб беришга ваъда берди.

Centrum Air маълумотларига кўра, парвоз олдидан самолётнинг юкланишига тезкор чекловлар жорий этилган. Бундай қарор парвозлар хавфсизлиги талабларини инобатга олган ҳолда қабул қилинган. Натижада 99 та юк ушбу рейс билан Фарғонага етказилмаган.

«Авиакомпания юкларни тезроқ етказиб бериш учун барча чораларни кўрмоқда. Дастлабки маълумотларга кўра, улар Фарғона аэропортига 5 октябрь куни соат 22:00 да етказилади», — дейилади ташувчининг расмий баёнотида.

Авиакомпания қўнишдан сўнг шахсий буюмларнинг йўқлиги йўловчиларга жиддий ноқулайликлар туғдиргани учун узр сўради.

Йўловчилардан юк биркаларини сақлаб қолиш ва Фарғона аэропортининг юк бўлимига мурожаат қилиш сўралмоқда.

Бундан аввал Centrum Air самолётини чақмоқ ургани, шу сабабли Тошкент — Гуанчжоу йўналишидаги рейс деярли икки суткага кечиктирилгани хабар қилинган эди.