Иссиқхона хўжаликларига солиқ имтиёзлари ва субсидиялар берилди
Президент қарори билан, иссиқхона хўжаликлари ҚҚС ва фойда солиғидан озод этилди. Асосий даромади иссиқхоначиликдан бўлган корхоналар учун ижтимоий солиқ ставкаси 1 фоизга туширилди, ер ва мулк солиқлари эса 50 фоизга камайтирилди. Октабрдан мартгача “яшил” иссиқхоналарнинг электр харажатлари 50 фоизи қоплаб берилади. Тошкент вилоятида томорқасида иссиқхонага эга аҳолига субсидия ажратилади.
Иссиқхона хўжаликлари учун солиқ имтиёзлари ва субсидиялар жорий этилди
Ўзбекистон президенти 13-октабр куни иссиқхона хўжаликларини ривожлантиришга доир қарорни имзолади.
Қарорга мувофиқ, иссиқхона хўжаликлари учун қуйидаги имтиёзлар ва субсидиялар белгиланди: қишлоқ хўжалиги товар ишлаб чиқарувчилари учун қўшилган қиймат солиғи ставкаси 0 фоиз этиб белгиланди; қишлоқ хўжалиги товар ишлаб чиқарувчилари ва балиқ хўжалиги корхоналари учун ўзи ишлаб чиқарган маҳсулотни реализация қилишдан олинган фойда бўйича фойда солиғи ставкаси 0 фоиз этиб белгиланди; иссиқхона фаолиятидан олган даромадлари жорий ҳисобот (солиқ) даври якунлари бўйича жами даромадининг камида 60 фоизини ташкил этган иссиқхона хўжаликлари учун ижтимоий солиқ ставкаси 2026-йил 1-январдан 2029-йил 1-январгача 1 фоиз этиб белгиланди.
2027-йил 1-январдан 2030-йил 1-январгача иссиқхона фаолиятидан даромадининг камида 60 фоизини ташкил этган тадбиркорлик субьектлари учун юридик шахслардан олинадиган ер солиғи ва мол-мулкка солинадиган солиқ ставкалари 50 фоизга камайтирилади.
2026-йил 1-ноябрдан 2030-йил 1-апрелгача иссиқлик энергиясини тежовчи махсус қопланма “кўрпа” билан қопланган ва (ёки) энергия самарадор “яшил” иситиш воситаларидан (иссиқлик насослари, геотермал иситиш тизимлари, қуёш иссиқлик тизимлари, электр энергияси асосидаги юқори самарали иситиш тизимлари) фойдаланаётган иссиқхона хўжаликларига октабр–март ойларида истеъмол қилинган электр энергияси қийматининг 50 фоизи миқдорида субсидия ажратилади.
Энергия самарадорлиги миллий агентлиги 2030-йил 1-январга қадар Тошкент вилоятининг Тошкент, Зангиота, Қибрай, Янгийўл ва Юқори Чирчиқ туманларида аҳоли томорқаларидаги иссиқхоналарни иситиш учун қуёш панеллари, иссиқлик насослари, инфрақизил иситиш мосламалари ва бошқа энергия тежамкор ускуналарни харид қилиш ҳамда ўрнатиш харажатларининг