Исроил “Ҳизбуллоҳ”нинг юқори мартабали қўмондони йўқ қилинганини эълон қилди
Исроил "Ҳизбуллоҳ"нинг юқори мартабали қўмондони ўлдирилганини э'лон қилди.
Исроил мудофаа кучлари (ИДФ) Ливанда "Ҳизбуллоҳ" ҳаракатининг "Бадр" бўлинмаси юқори мартабали қўмондони Абу Ҳасан Алоанинг йўқ қилинганини тасдиқлади.
Ма'лумотларга кўра, Абу Ҳасан Алоа Исроил ҳарбийларига қарши ҳужумлар уюштиришда иштирок этган. Исроил армияси унинг ўлдирилиши "Бадр" бўлинмасининг бошқарув салоҳиятига жиддий зарба берганини та'кидлади.
ИДФ баёнотида айтилишича, "Абу Ҳасан Алоа "Ҳизбуллоҳ" террорчилик ташкилотининг хавфсизлик зонасида фаолият юритаётган Исроил аскарларига қарши ҳаракатларига жавобан йўқ қилинди".
Исроил ҳарбийлари операция Алоанинг Ливан ҳудудида фаолият юритаётган аскарларга қарши ҳужумни ташкил этишдаги иштироки аниқлангач амалга оширилганини билдирди.
ИДФ ушбу операция "Ҳизбуллоҳ"нинг "Радвон" бўлинмаси баталён қўмондони Али Самир ал Ҳожа Ҳасаннинг йўқ қилингани ҳақидаги аввалги хабардан сўнг амалга оширилганини та'кидлади.
12-август куни Исроил қўшинлари Ғазо секторининг шимолий қисмига ҳам зарба берган эди. ИДФ ма'лумотларига кўра, ҳужум нишони "ҲАМАС" ҳаракатининг ҳарбий қаноти қўмондонларидан бири бўлган.
Исроил армияси ҳужумдан аввал тинч аҳоли орасидаги талофатларни имкон қадар камайтириш чораларини кўрганини билдирди. Операция давомида юқори аниқликдаги ўқ-дорилардан фойдаланилган.
**Ливандаги вазият ва йўқотишлар**
Исроил Ливан жанубида бир қанча ҳудудларни босиб олган. Уларнинг айримлари ўн йиллардан бери, қолганлари эса 2023—2024-йиллардаги уруш пайтида эгалланган. Ҳозирги ҳарбий кампания давомида Исроил кучлари Ливан ҳудудига 10 километрдан кўпроқ ичкарига кириб борди.
Ливан расмий ма'лумотларига кўра, 2-мартдан буён Исроилнинг Ливандаги ҳужумлари оқибатида 4192 киши ҳалок бўлди, 12 171 киши яраланди. Шунингдек, 1 миллиондан ортиқ аҳоли ўз уй-жойини ташлаб кетишга мажбур бўлди.
Кейинчалик АҚШ президенти Доналд Трамп Исроил бош вазири Бинямин Нетаняхуга Сурия ва Ливандан қўшинларни олиб чиқиш зарурлигини айтган эди. Бироқ Исроил мудофаа вазири Исроил Кац баёнот бериб, АҚШ ҳукуматидан чиқиб кетиш ҳақида талаб бўлган тақдирда ҳам, Исроил армияси Ливан жанубидаги босиб олинган ҳудудларни тарк этмаслигини айтканди.