Иш вақтида ўзи билан ўзи гаплашиш одати: тадқиқот натижалари маълум бўлди
Уй юмушларини бажараётганда овоз чиқариб ўйлаш ғалати одат эмас.
Иш пайтида ўзи билан ўзи гаплашиш одати: тадқиқот натижалари ошкор қилинди
Ўзимиз билан гаплашиш ақлдан озиш ёки ёлғизлик белгиси эмас, балки бир қатор когнитив ва ўз-ўзини бошқариш функсияларини бажариши мумкин, деб хабар берди Бликк.
Нашр изоҳига кўра, бу одат вазифани бажариш босқичларини тартибга солишга, диққатни жамлашга ёки нима қилмоқчи эканимизни ўзимизга эслатиб туришга ёрдам беради.
Қайд этилишича, вазифаларни овоз чиқариб айтиш йўналтирувчи вазифани ҳам бажариши мумкин. Масалан, агар бирор киши уйни йиғиштираётганда яна нималар қилиш кераклигини бирма-бир санаб чиқса, унга ҳаракатлар кетма-кетлигига амал қилиш осонлашади ва кейинги қадамни унутиб қўйиш эҳтимоли камаяди.
Тадқиқотларга кўра, бу одат айрим вазифаларни бажаришда когнитив қобилиятларни ҳам яхшилаши мумкин.
Бироқ бу билан ҳам тугамайди, чунки ўзи билан суҳбатлашиш ҳиссиётларни тартибга солишда ҳам муҳим рол ўйнаши мумкин.
Ўз-ўзига гапиришга бағишланган тадқиқотларга кўра, тўғри танланган сўзлар, масалан, ижобий ёки руҳлантирувчи иборалар иш самарадорлигини ошириши ва ҳатто стрессли вазиятларни енгиб ўтишга ёрдам бериши мумкин.
Шундай қилиб, уй юмушларини бажариш чоғида овоз чиқариб ўйлаш ғалати одат эмас, балки ўз-ўзини тартибга солиш ва вазифаларни ташкиллаштиришнинг кундалик шаклларидан биридир.