Интерпол сайтида қидирувга берилган Анорбанк аксиядори Қаҳрамонжон Олимов ҳақидаги хабарнома йўқолди
Халқаро жиноят полицияси ташкилоти (Интерпол) сайтида Анорбанк аксиядори Қаҳрамонжон Олимовга нисбатан чиқарилган халқаро қидирув хабарномаси энди кўринмаяпти. Бунинг сабаблари ҳозирча номаълум. Аввалроқ Олимов банк кузатув кенгаши таркибидан чиқиш бўйича ариза берганди.
Интерпол сайтида қидирувга қўйилган Анорбанк аксиядори Қаҳрамонжон Олимов ҳақидаги хабарнома йўқолиб қолди
Халқаро жиноят полицияси ташкилоти (Интерпол) сайтида ўзбекистонлик тадбиркор ва Анорбанк аксиядори Қаҳрамонжон Олимов номига чиқарилган “қизил билдиришнома” (Ред Нотисе) энди кўринмаяпти.
Карточкада Олимов 1977-йил 7-майда Андижон вилоятида туғилгани, Ўзбекистон фуқароси экани ҳамда ўзбек, рус ва инглиз тилларини билиши қайд этилган эди.
Шу билан бирга, карточкада тадбиркорни халқаро қидирувга бериш бўйича сўровни қайси давлат юборгани кўрсатилмаган эди.
Дастлаб оммавий хабарномада айбловга доир маълумотлар йўқ эди. Кейинроқ унда жиноят категорияси сифатида: “Одам ўғрилаш, туҳмат қилиш, ноқонуний ушлаб туриш ёки ҳибсга олиш” пайдо бўлди.
Хабарноманинг Интерпол сайтида йўқолиб қолиш сабаблари номаълум.
Шу сабабли, карточканинг сайтдан олиб ташлангани билангина тадбиркорга нисбатан халқаро қидирув тўхтатилганми ёки йўқми, аниқлаб бўлмайди.
“Интерполнинг қизил билдиришномаси” (Ред Нотисе) — бу шахсни қидириш ва ушлаб туриш бўйича халқаро сўров. Мамлакат бошқа давлатлардан шахсни кейинчалик экстрадиция қилиш масаласини ҳал этиш учун уни топиш ва вақтинча ушлаб туришни сўрайди.
9-октабр куни Анорбанк Қаҳрамонжон Олимов 2-октабрда банк кузатув кенгаши таркибидан чиқиш бўйича ариза берганини маълум қилди.
Бу масалани 28-октабр куни ўтказиладиган аксиядорларнинг умумий йиғилишида кўриб чиқиш режалаштирилмоқда.
Бундан ташқари, 5-октабрдаги йиғилишда аксиядорлар инвестицияларни жалб қилиш, капитални мустаҳкамлаш ва илгари банкнинг кредит рейтингига таъсир кўрсатган омилларни бартараф этиш учун 100 миллиард сўмлик қўшимча аксиялар чиқаришни маъқуллади.
“Капитализация режасининг бажарилиши энди алоҳида аксиядор билан боғлиқ ҳолатларга қарам бўлиб қолмаслиги керак”, — дейилади Анорбанк хабарида.
8-октабр куни Фитч Ратингс халқаро рейтинг агентлиги Қаҳрамонжон Олимов билан боғлиқ вазият фонида капитални тўлдириш атрофидаги ноаниқликлар сабабли Анорбанкънинг узоқ муддатли рейтингини ССС+ даражасидан ССС га туширди. Рейтинг, шунингдек, кейинчалик яна туширилиши мумкин бўлган салбий қайта кўриб чиқиш рўйхатига (Ратинг Ватч Негативе) жойлаштирилди.
Банк одатдаги режимда ишлашда, мижозлар олдидаги мажбуриятларни бажаришда ва асосий хизматларнинг узлуксиз ишлашини таъминлашда давом этаётганини билдирди.
2026-йилнинг тўққиз ойи учун Анорбанк молиявий ҳисоботига кўра, банк деярли 105 млрд сўм соф фойда олди. Сентабр якунларига кўра, унинг активлари учинчи чорак бошидаги 18,74 трлн сўмга нисбатан 20,32 трлн сўмни ташкил этди. Банкнинг кредит портфели 13,08 трлн сўмга, хусусий капитали 1,51 трлн сўмга, мижозлар депозитлари ҳажми эса 15,23 трлн сўмга етди.
Корхона ва ташкилотларнинг ягона давлат реестрининг аввал эълон қилинган маълумотларига кўра, Анорбанк аксияларининг 49,4 фоизи Олимовга, 50 фоизи Нидерландиянинг Бекамин Б.В. компаниясига, 0,6 фоизи эса Капитал Суғурта суғурта компаниясига тегишли бўлган.
18-сентабр куни Тҳе Инсидер нашри Қаҳрамонжон Олимовга яқин манбасига таяниб, тадбиркор Ўзбекистонда сиртдан қамоққа олингани ва одам ўғрилаш бўйича жиноят иши доирасида халқаро қидирувга берилгани ҳақида хабар берди.
Нашр манбасининг талқинига кўра, бу иш Олимовнинг собиқ иш берувчиси — илгари тадбиркор бошқарув раиси бўлиб ишлаган ва 36% дан ортиқ улушга эгалик қилган “Капиталбанк” асосчиси Ботир Раҳимов билан бўлган эски молиявий низоси билан боғлиқ бўлиши мумкин.
Тҳе Инсидер Олимов Раҳимовни молиявий эътирозлардан воз кечишга мажбур қилиш мақсадида унинг ўғриланишини ташкиллаштиришда гумонланаётганини таъкидлаган эди.
Ўзбекистон ҳуқуқни муҳофаза қилувчи органлари ушбу маълумотларни расман тасдиқламаган ва тахмин қилинаётган жиноят иши тафсилотларини очиқламаган.
Халқаро қидирув ҳақидаги хабарлардан сўнг Анорбанк тарқатилаётган маълумотлар аксиядорлардан бирининг шахсий ишларига тааллуқли эканини ҳамда банкнинг капитали, бошқаруви ёки операцион фаолияти билан боғлиқ эмаслигини билдирди.
Марказий банк ҳам Анорбанк одатдаги режимда ишлашда ва мижозлар олдидаги мажбуриятларини бажаришда давом этаётганини маълум қилди.